State Election Commission (SEC) chuan Sinlung Hills Development Council (SHDC) huamchhunga khaw 15 (sawmpanga)-ah Village Council inthlanna October ni 18, 2012 neih tura atan hming pek luh hun a pawtsei a. Hemi chungchangah hian vawiin khan SEC chuan a hnuai a mi ang hian thuchhuah siamin Election Schedule thar a tarlang a ni.

General Elections to Village Councils, February ni 23, 2012-a neihah khan Sinlung Hills Development Council (SHDC) huamchhunga khaw 15 (sawmpanga)-ah ramhnuaimite atanga vauna avangin inthlanna a awm thei ta lo a.MipuithlanVillageCouncil an awm tak loh avangin heng khua bikah te hichuanVillageCouncil dinglai term pawhsei a ngai ta hial a ni. Hetiang renga kal hi a felloh avangin October ni 18, 2012-a inthlangturinState Election Commission chuan Election Schedule asiama. Schedule asiamang chuan Nomination file nan October ni 4, 2012 thleng hun hawn a ni. Hetih lai hian khawtlang hruaitu thenkhatin mitute hnen atangin emaw vauna an dawng leh ta a. Nomination form la chhuak tawhte pawhin Returning Officer-te hnenah pe kir lehin October ni 4, 2012 dar 3:00 p.m. thleng pawhin Nomination file tumah an awm ta lo a ni.

State Election Commission chuan thil awmdan nguntaka thlirin a ngaituah a. Election Schedule a lo siam tawh angin October ni 18, 2012-a inthlanna a awm ngei theihna turin Nomination file theihna hun chhung chu October ni 9, 2012 tlai dar 3 thleng a pawtsei ta a, Revised Schedule chu hetiang hi a ni ang:-

Tun tum inthlan bik atan hian Candidate zawng zawng ‘Independent Candidate’ anga ngaih tur a ni a. Candidate ten an duh a nih chuan Nomination Form-a Party hming ziahna turah ‘Independent’ ti a ziakin an Party nihna emaw Party Support-tu emaw hming chu ‘bracket’ in an ziak lang thei ang.

State Election Commission chuan heng khaw 15 (sawmpanga)-a mipui thlan Village Council a din thuai theihnaturinSinlung Hills Development Council (SHDC) huamchhunga mipuite tawiawmna a ngen a ni.