Vawiin Dt 4th October 2012 hian D.C Conference Hall, Mamitah Industry Department hnuaia NLUP dawngtute hnenah Pu John Rotluangliana Deputy Speaker-in tanpuina a hlan.

Hlanna inkhawm, Pu V. Lalremthanga District Bawrhsap kaihhhruaiah thusawiin Deputy Speaker chuan sawrkar in mirethei zawkte khaichhuahna tura a policy lian ber chu NLUP a ni a ti a. Kan rahbi tleu tawh sawh ngheh leh na tura sawrkar puihna NLUP kaltlanga kan dawn avangin lawmna chang kan hriat a pawimawh a ni tiin kan trade thlan theuhvah tih tak zeta beia, chhungkaw chawmna thama hmala turin beneficiaries te a chah bawk. Deputy Speaker chuan mizote, thil tithei ve zul si, thiamna tak tak nei si lo leh hna chi hrang hrang thawka hlawhtlinna tak tak pawchhuak silo kan nih thinna hi tihbo a hun tawh tak zet a ni tiin tuna puanthui(Tailoring) leh thinghmanga thilsiamna (Carpentry-I) thlangtute pawh hian kan tu leh fate tan pawha eizawnna nghet an neih theih nana hma la turin a chah bawk a ni.

Pu John Rotluangliana, Deputy Speaker, Bialtu MLA chuan sawrkar hna chauh hi hna anih loh thu sawiin enghna pawh chhungkaw chawmna atanakanhman hi hna chu a ni tiin chumi dinchhuahna atana NLUP hmang theuhturinkalkhawmte a chah bawk .

Tun tumah hian Industry Department hnuaia Puanthui (Tailoring thlangtu chhungkaw 31) leh thilsiam (Carpentry-I) thlangtu chhungkaw 14 te tanpuina hi sem niin Puanthui thlangtute hnenah hian khawl chi thum leh Pawisa fai Rs 22480/- hlan niin Carpentry I thlangtu te hnenah hian thingzai khawl (Bandsaw) leh pawisa fai Rs 20320/- theuhvin sem a ni.

Vawiin ni a pawisa fai sem chhuah zawng zawng hi Rs 8,30,480/- a ni.

Tanpuina sem zawh hian Puanthui thlangtute hnenah an khawl dawnte a hman dan zirtirna pek nghal an ni bawk.

Pu John Rotluangliana Deputy Speaker, Bialtu MLA ni bawk hi Pu R.S. Lalzamliana Addl.D.C Mamit, Pu C. Lalpeksanga Project Director, DRDA Mamit ten an tawiawm a ni