Pu Zodintluanga, Sports Minister sawmna angin Pu Ajay Maken, Union Minister of State (Independent Charge), Ministry of Youth Affairs and Sports chu North East Games February 2012 a hawnna inkhawmah Khuallian a ni dawn.

Pu Zodintluanga chuan NE Games hawnna inkhawmah Pu Ajay Maken chu khualliana tang turin leh North East a infiammite nunphung leh an hmasawnna te rawn enpui turin hun engemaw lai khan a lo sawm tawh a, Pu Ajay Maken hian ni vawiin khan khualliana a tan theih tur thu hi fax message-in Sports Minister hi a rawn hrilh a ni.

North East Game-ah hian hmar chhak biala state hrang hrang te Athletics, boxing, badminton, TT, judo, weightlifting, taekwondo, wrestling, football, hockey, volleyball (female only) ah te an inel dawn a ni.