Tukin zing dar 7 khan Finance Minister Pu H. Liansailova, Parliamentary Secretary Pu Lal Thanzara leh PWD hotu lu te’n Ramthar Veng chhunga Sihpui leh Galili inkalpawhna kawng siam dan tur te, Ramthar Galili leh Armed Veng kawng laih mek leh Sihpui inpawh dan tur te an en a. Ramthar Veng khawtlang hruaituten an lo tawiawm a ni.

Finance Minister leh Bialtu MLA ni bawk Pu H. Liansailova leh Parliamentary Secretary i/c PWD Pu Lal Thanzara te chuan heng kawng te hi ke-a zawhin siam dan tur an en a. Sihpui to Galili inpawhna tur kawng tawite chu motor kal theia siam nghal thuai tum a ni an ti a. Sihpui atanga Galili to Armed Veng kawng finna tur erawh chu a hautak deuh dawn avangin Sorkar kum thara hmalakna atana ngaih pawimawh zinga telhin NEC emaw, DoNER emaw ah tanpuina dil tha an tih thu an sawi a ni.