Mizoram sorkar chuan Remna leh Muanna champha kum 25-na a lawm mek a. A lawmna kal zelah January ni 24 - 26, 2012 chhung hian New Secretariat Complex Ground ah puitham takin function a buatsaih dawn a ni.
He hunah hian Mizoram sorkar leh Central sorkar hnuaia mite leh NGO hrang hrang ten an hnathawh an pholang ang a, mimal leh sumdawng pawl thahnem takin an bungruate pho chhuakin man tlawm zawkin an hralh chhuak dawn a ni.
Zirna, sumdawnna leh Financial lama kawng zawng duhte tan he hunah hian rawn tur an awm reng ang a. Telecom lam pawhin Internet Facility a thlawn a hman theihin an chhawpchhuak bawk ang. Ei leh in tur pawh duhzawng lam theih turin buatsaih a ni ang.
He Grand Exhibition-cum-sales neih hun chhung hian nitin programme changkang tak tak buatsaih a ni ang a. Zaithiam zai leh intihhlimna lam pawh a awm reng dawn a ni.
Mimal, pawl leh school hrang hrang tan tlawh theih a ni ang.
