Vawiin khan LAD Conference Hall, Mamit-ah District Disaster Management Authority, (DDMA) Mamit District leh State Disaster Management Authority (SDMA)  buatsaihin UNISDR International Day for Disaster Reduction, 2017 chu hman a ni.

Disaster Reduction Day 2017 hi Pu R. R.Vanlalsawta, Co-chairperson, PD, DRDA chuan kaihruaiin  Pu H. Lianzela, Chief Executive Officer,  Addl DC,chuan  kalkhawmte chungah lawmthu sawiin kan hma maiah hian khuarel chhiatna lian zawk hmachhawn thei reng kan nih avangin heng harsatna lo thlen thulh a invenna tur leh chetlak dan tur lo in ruahman chu kan tihmak mawh a ni a ti. He ni hmang tura kalkhawm te chu Mamit khawpui hian khuarel chhiatna hrang hrang lo thlen thulha inven dan turah  ziaksa chhiara ring mai lovin mahni irawm chhuak ngaihtuahna lo hmang ve turin a sawm a ni.

Chief Executive Officer, DDMA hian Disaster Vulnerability of Mizoram tih hmangin thusawina a nei zui a ni.

He hunah hian Sawrkar Department hrang hrang atangin chhiatna lo thlen thulha lo inhmakhua dan tur inzirtirna  neih a ni a, Pu Vanlalhmachhuana, SDC chuan District DM plan chungchangah a lem nen zirtirna neiin Pu Laldikpuia Addl SP, chuan Response Plan of District Police tih hmanga zirtirna pe-a,  Dr Malsawmkima, Medicine leh Pu David J. Byhnadaolai, Asst Commandant  pawhin chhiatna lo thlen thulha  Medical lam leh SDRF te chetlak dan tur a lem nen an entir bawk a ni.

He hun ah hian chhiatna tawh thulha NGO's lam in ruahmanna an lo neihdan Pu CK Lalhrilliana chuan a tarlang bawk a ni.

Kalkhawm Sawrkar Department hrang hrang te leh Tlawmngai pawl te leh khawtlang hruaitute atangin khuarel chhiatna in min nan thut pawha chetlak dan tur leh mawhphurhna kan neihte ziahchhuahna an nei a, heng an thil ruahman an ziahchhuah hrang hrangte hi thlirho zui a ni.

Vawiin International Day for Disaster Reduction Day 2017 hmanna ah hian Mamit khawpui chhunga Sawrkar department  hrang hrang te bakah tlawmngai pawl te leh Khawtlang hruaitute an tel a ni.