Vawiin khan Finance Minister Pu Lalsawta chuan SCERT Science Promotion Wing buatsaih 40th Cash Award for Proficiency in Science and Mathematics 2017, Chanmari YMA Hall-ah a hmanpui a. HSSLC, HSLC, class IX leh XI promotion exam-a zirlai science leh mathematics a tithate hnenah chawimawina certificate leh cash award hi a hlan nghal a ni.

Finance Minister Pu Lalsawta chuan thu sawiin chawimawina vawiina hlan chu  zirlaiten an zir hah, taimak leh thawhrim vanga an hmuh a ni, a ti a. Zirlai science leh mathematics-a titha te chawimawina bahlah lova vawi 40 lai huaihawt theih a ni chu lawmawm a tih thu a sawi a. Minister chuan zirlai kalkhawmte chu fuihin zirlai nih chhung chuan engmah a la tlai lo a ti a. “Damchhungin inzir zawh a awm theilova, thiam belh tur nitin a pung renga, hriat chakna, thiamna zau zawk duha riltamna in neih chhung chuan in hlawhchham reng reng lo vang” tiin zirlaite chu a fuih a ni.

Cash Award for Proficiency in Science and Mathematics hlanna hi Pi D. Ramdinthangi Jt.Director, SCERT chuan kaihruaiin Pi Zohmingliani, Deputy Director, SCERT chuan report a pe bawk a ni.

Cash Award for Proficiency in Science & Mathematics hi School naupang zingah heng subject a tuina leh inelna thianghlim a awm theih nana  Education Department in a duan niin kum 1978 atangin kum tin he cash award hi sem thin a ni a, tun hi a vawi 40-na a ni.

Vawiina Cash Award for Proficiency in Science & Mathematics 2017 sem hi HSSLC, HSLC, Class IX  leh XI promotion examination a Science leh Mathematics subject bika ti tha zualte tan pek a ni a. Category tina lawmman pakhatna in certificate leh sumfai Rs 4500, pahnihna in certificate leh sumfai Rs 2500, promotion examination a titha ten certificate leh Rs 2000 an dawng a ni. Category hrang hranga award awmte chu hetiang hi a ni:

Sl.No

Examination hming

Subject

Area

Lawmman

1

HSLC

Science

Board exam result atangin

1st ,  2nd , & 3rd

Mathematics

2

HSSLC

Mathematics

Board Exam result atangin

1st ,  2nd , & 3rd

Physics

Chemistry

Biology

3

Class IX- Promotion

Science & Mathematics Combined

School mal result atangin 75% hmu tling mi 1 tan chauh

1st (a hmu sang ber chauh)

Class XI- Promotion

Mathematics

Biology

Kumin hian zirlai 120 hnenah lawmman hi hlan a ni a. Lawmman lak dan chu hetiang hi a ni :

HSSLC                                    : zirlai 20

HSLC                                      : zirlai 41

Class IX promotion                   : zirlai 51

Class XI promotion                   : zirlai 8

Total                                       : 120

 

Attachment

  • Loading attachment...