No.7883/2020-2021
Aizawl the 23rd March, 2021: Disaster Management Act. 2005 hnuaia Section 22(h) leh 24(1) in thuneihna a pek angin Mizoram Chief Secretary Pu Lalnunmawia Chuaungo, Chairman, State Executive Committee, Mizoram State Disaster Management Authority ni bawk chuan vawiin 23.3.2021 atanga hman tan turin Unlock Guidelines hetiang hian a tichhuak.
COVID-19 hrileng laka mipuite kan lo him zel nan DM&R Department Order No. ngai dated 16.01.2021 chu chhuah a lo ni tawh a. Amaherawhchu, chhuah a nih hnuah Sawrkar hmalakna leh thuchhuah thar engemawzat a awm leh tawh a. Hemi avang hian SOP hi en nawn (revise) a tula hriat a ni a, tin, phalzamna pawh dah belh tha tih a ni. He kaihhruaina hi thu leh awm hma chu Mizoram chhungah khauh taka kenkawh leh zawm tur a ni. Hei hian Order hmasa zawng zawng a luahlan (supersede) ang.
I. MIZORAM PUMA INKHUAHKHIRHNA KALPUI TURTE
A. Ram pâwn atanga Mizoram luh, Screening, Testing, Quarantine leh hri veite enkawl chungchang
1. India ram hmun dang atanga Mizoram-a lo lut reng reng chu Mizoram an lo luhna (Point of entry)-ah uluk taka endik (screen) chhunzawm zel an ni ang. Entry point an lo thlen hmâ darkar 96 aia hlui lo RTPCR/TrueNAT/CBNAT (ICMR recognized laboratory) hmanga COVID-19 test result negative neite chu Mizoram an lo luhnaah COVID-19 test tih a ngai tawh lo ang a, Quarantine an ngai lovang.
2. RT-PCR/TrueNAT/CBNAT test (ICMR recognized laboratory) negative result certificate nei lote erawh chu Point of entry-ah Rapid Antigen Test (RAgT) tih a ni ang a, RAgT positive te chu enkawl dan tur dinglai (Protocol) angin enkawl zui tur an ni ang. RAgT negative te chu enkawl zui leh quarantine zui an ngai lovang. Hetiang hian Mizoram atanga zin chhuak, lo haw leh te pawh en tur an ni ang. Thlawhnaa zin veivakte chuan Lengpui Airport-a RAgT test man hi H&FW Department-in a tuk angin an pe ang.
3. Mizorama rawn lut, RAgT Negative result neih avanga quarantine ngai lote chuan fimkhur takin self-monitoring (mahni hriselna inchîk)-in ni 7 tal an awm ngei ngei tur a ni.
4. India ram pawn atanga lo lut leh COVID-19 UK variant strain lênna ram atanga lo haw te erawh chu Health & Family Welfare Department inkaihhruaina siam angin quarantine ngei tur an ni a. Amaherawhchu, Mizoram an lo thlen hmain India ram chhûngah ni 10 aia tlem lo an lo awm tawh a, RT-PCTR/TrueNAT/CBNAT test (ICMR recognized laboratory) negative certificate an rawn nei emaw, point of entry-a RAgT negative result an neih erawh chuan quarantine an ngai lovang. India ram chhûnga ni 10 la châm tling lova Mizoram-a lo lutte chu heng test chi hrang hrangah hian negative result pawh nei mah se, foreign atanga lo haw anga ngaih an ni ang a, quarantine tur an ni ang.
5. Screening leh quarantine dan tur fel taka ruahman a nih theih nan Mizoram an rawn luh hmain mCOVID-19 mobile application mPASS-flight emaw mPASS-road hmangin an in-register lawk tur a ni. Home quarantine leh Hotel quarantine dil duh tan online-in mcovid19.mizoram.gov.in-ah a dil theih tawh bawk.
6. Mizoram-a lo lutte quarantine dan, COVID-l9 testing, quarantine mêk leh hri pai te enkawl chungchang, COVID Care Centre, Dedicated COVID Health Centre leh Dedicated COVID Hospital te kalpui dan leh heng hmunhma te tihthianghlim chungchangah Health & Family welfare Department-in inkaihhruaina a siamte chu a tul anga State Executive Committee hriatpuia ennawnin khauh taka kalpui tur a ni ang. Tin, quarantine-a awm/ thlen man, ei leh in man leh test-na man pek dan tur erawh chu Notification No.B13O21/101/2020-DMR/Pt-III dated 20.07.2020, No.B.13021/ 187/2020-DMR dated 25.07.2020 leh No.B13O21/187/2020-DMR dated 22.01.2021-in a tarlan angin kalpui a ni ang.
7. COVID-19 positive ni lo emaw Containment Zone/Area atanga lo kal ni lo, Mizoram chhung District dang emaw khaw dang atanga lokal an nih vang ngawtin mi tumah lo quarantine tur a ni lo.
B. Sawrkar office leh office dangte
1. Administrative Head/Head of Department/Head of Office ten khauh takin office chhûngah a hnuaia SOP leh ‘COVID-19 appropriate behaviour’ an kalpui ang.
a) Administrative Head/Head of Department/Head of Office tin te chuan office vawn fai leh tihthianghlim kawngah hma an la zel ang. Tin, office chhung/office gate/kawtkaiah kut silna tur emaw hand sanitizer an dah ang a, office building lut tur reng rengin kut an sil vek tur a ni. Heng ruahmanna enfiah thin tur hian a hranpa-in Deputy Commissioner ten team an ruat ang.
b) Office dawr tur reng rengin appointment an la hmasa tur a ni. Appointment (phalna) neia office dawrtu ten office an dawr chhûng zawngin mask an vuah ngei tur a ni.
c) Tul bikah lo chuan meeting neih loh tur a ni. A huhova inrawn/sawiho ngai thil a awm a nih pawhin a theih chin chinah video conferencing leh online mode dangte hman tangkai hrâm tur a ni.
d) Department emaw office dangte nena indawr tulna thilah chuan e-mail emaw electronic media dang hman hram tum tur a ni.
e) Mipuiin online-a office an dawra, bill te an pek theih nan a theih chin chinah ruahmanna siam tur a ni.
2. Thu leh awm hma chu Minister-te public interview hun khar rih a ni.
C.Mipui vantlâng tana inkhuahkhirhna hriat tur te
1. District headquarters-ah te chuan zan dar 10:00 leh zing dar 4:00 inkarah pâwn chhuah khap tlat a ni. Hemi atan hian District Magistrate ten Section 144 CrPC tlawhchhanin thupek an chhuah ang.
2. Loh theih loh thil a nih loh chuan, kum 65 chin chunglam te, taksa hriselna lama harsatna nei sa te (Chuap thalo, HIV+ve, zunthlum nasa, lungna, kalna, etc.), nau pai te leh naupang kum 10 (sawm) hnuailam te chu pâwn chhuah loh hrâm tur a ni. Tin, chhûngtin ten mahni chhûngkua theuhvah hetiang hriselna lama harsatna neite himna atân ruahmanna an siam tur a ni. Hemi chungchangah hian Health & Family Welfare Department-in kaihhruaina a siam chu tha taka zawm tur a ni.
3. Pâwn (vantlang/puipunna hmun, dawr, office, damdawiin, clinic adt.) chhuak tur rêng rêng chuan face mask emaw hmanraw dang hmangin hmai an tuam ngei tur a ni.
4. Vantlang hmun leh dawra kalte chu feet 6 tala inhlata awm tur a ni.
D. Lirthei hmanga zin veivah leh mipui chet vel chungchang
1. Mizoram chhûng khawkâr kawnga khualzin phur lirthei (commercial passenger vehicle) leh city/town bus, taxi, auto rickshaw leh two-wheeler taxi te chuan registration-a seating capacity tarlan aia tam an phur tur a ni lo. Lirthei khalhtute leh an phurh ten face mask an vuah vek tur a ni a, passenger-te hman tur hand sanitizer an pâi reng bawk tur a ni. Hemi chungchangah hian motor enkawltu (driver/conductor) ten mawh an phur ang. Driver/conductor-in a zing thei ang berin lirthei chhûng, thutna leh vawnbânte uluk takin an tithianghlim (sanitize) thin tur a ni.
2. Commercial passenger vehicles driver, handymen leh conductor te chu RAgT hmanga test vek an nih theih nan Health & Family Welfare Department-in hma a la ang.
E. Zirna in hawn chungchang
1. a) Class IX leh Class XI zirlai ten school leh hostel an lut thei ang. School lut tur reng reng te chu thermal screening hmanga lo endik vek tur an ni ang a, hostel-a lut tur reng reng chuan RT-PCR/TrueNAT test/RAgT negative certificate hostel an luh hma darkar 96 aia rei lova lâk an nei ngei tur a ni. School Education Department-in ruahmanna leh inkaihhruaina (SOP) a siamte uluk taka zawm tur a ni ang.
b) Middle school (pawl 5 atanga pawl 8) zirlai ten school leh hostel an lut thei ang. School lut tur reng rengte chu thermal screening hmanga lo en dik vek tur an ni ang a, hostel-a lut tur reng reng chuan RT-PCR/TruNAT test/RAgT negative certificate, hostel an luh hma darkar 96 aia rei lova lâk, an nei ngei tur a ni. School Education Department-in ruahmanna leh inkaihhruaina (SOP) a siamte uluk taka zawm tur a ni ang.
c) School Education ruahmanna angin tun academic session-a class 3 leh class 4 (pawl thum leh pawl li) zirlai te chu April, 2021 atangin school kal tan theih a ni ang. School Education Department-in ruahmanna leh inkaihhruaina (SOP) a siamte uluk taka zawm tur a ni ang.
d) Anganwadi centre erawh chu hawn rih loh tur a ni. Amaherawhchu, naupang ten nutrition an dawn tur zawng zawng an dawn ngeina turin Women & Child Development, Social Welfare & Tribal Affairs Departmentin ruahmanna a siam ang.
2. College leh University, an hostel-te tiamin, February, 2021 atangin hawn phalsak an ni. Amaherawhchu, Higher & Technical Education Departmentin College leh University-te inpuahchahna leh ruahmannate a hmuna an endik hnuah an inpeih thu hriatpuina a pe tur a ni. Tin, Higher & Technical Education Department-in inang tlânga hman tur inkaihhruaina (Standard Operating Procedure) a siam ang a, Health & Family Welfare Department leh Disaster Management & Rehabilitation Department te pawmpuina an la ang. SOP chu khauh taka zawm tur a ni.
3. Training/ skill training/coaching/vocational institutions te chu hawn phal a ni a. Amaherawhchu, room pakhatah room-a leng zat chanve (50% of seating capacity) aia tam hmun khatah awm/thut phal a ni lo. Heng hmuna inkaihhruaina (Standard Operating Procedure) hman tur chu Higher & Technical Education Department-in a ruahman ang a ni ang.
4. A dang zawng erawh online hmangin zirtirna an kalpui chhunzawm ang.
F. Mipui Punkhawmna
1. Sakhaw Biak Inkhawm chungchang
Sakhaw biakna in te chu inkhawm nan hawn theih a ni a. Amaherawhchu, tum khatah mihring leng zat 50% aia tam punkhawm loh tur a ni a, a hnuaia tarlante hi zawm bawk tur a ni:
a) Zan lama inkhawm chu kâr khatah vawi hnih aia tam huaihawt loh tur a ni.
b) Sunday School chu pawla inthen lovin pulpit atangin emaw khaikhawm tur a ni.
c) Inkhawm zawng zawngin face mask vuah theuh tur a ni a, a luhnaah kut tih faina (sanitizer dispenser) dah tur a ni.
d) Inkhawm chhungin zai leh hla sakho phal a ni lo. Amaherawhchu, mal zai (solo) leh group zai (duet, trio leh quartet) phal a ni ang.
e) Social distancing vawn a nih theih dan ber zawngin thut dan ruahman tur a ni.
f) Boruak thianghlim a tam thei ang ber a luh theih nan inkhawm/ Sunday school kai laiin biak in/ hall tukverh leh kawngkharte hawn vek tur a ni.
g) Kohhran mite himna tura SOP duante hi tha taka zawm a nih theih nan Kohhran tina ‘SOP Implementation Committee’ te hma la chhunzawm tura ngen leh beisei an ni.
h) Good Friday leh Easter Sunday lo awm tur chhunga Kohhranin Sacrament an buatsaih a nih chuan fimkhur taka ruahmanna siamin kalpui tur a ni ang.
2. Chhiatni/thatni
a) Mitthi vuina leh inneihna (man hlan, inneih inkhawm leh reception)-ah a hmun-a leng zat 50% aia tam lovin a punkhawm theih ang.
b) Heta mipui pungkhawm tur zat sawite hian ei/in siamtu, usher leh programme hlawhtlin theih nana tawiawmtu/chhawrte zawng zawng a huam a ni.
c) Chhiatni/thatni puipunna-ah heng inkaihhruainate hi hman tur a ni ang.
i. Social distancing a awm theih nan kohhran/community hall emaw veng chhunga hall remchangah emaw a tul dan angin Biak Inah emaw invuina hun hman tur a ni. Hemi atan hian mitthi lawina kohhran leh a veng neitu YMA/YLA/MlP/YCA emaw LLTF/VLTF ten ruahmanna an siam ang.
ii. Chhiatni/mhatni puipunna hmunahte mipui a huhova zaikhawm khap a ni a. Amaherawhchu, mal zai (solo) leh group zai (duet, trio leh quartet) phal a ni ang.
iii. Mitthi vuina-a kal zawng zawngte hming pum, address leh mobile number chhinchhiah tur a ni a, a remchan dan angin YMA/YLA/MlP/YCA emaw LLTF/VLTF ten ruahmanna an siam ang.
iv. Mitthi vuitu tur chu a theih hram chuan kum lama upa lo leh mi hrisel pangngai a ni tur a ni.
v. Mitthi vuina-ah hian kum lama upa te leh hrisel lohna benvawn nei te kal loh tur a ni.
vi. Mitthi vuina-ah thingpui sem loh tur a ni.
vii. Chhiatni/thatni-ah mipui kalkhawm ten face mask an vuah vek tur a ni a. Thusawi, thupuan leh tawngtai lai phei chuan mask phelh miah loh tur a ni.
3. Games & Sports, pawl thila punkhawm leh intawllenna hmun dangte
Entu mipui punkhawmna tel lo games & sports practice leh tournament neihnaah punkhawmna tur hmunah a leng zat 50% aia tam lovin a punkhawm theih ang. Tournament huaihawt chungchangah hian Government of India, Ministry of Youth Affairs and Sports, Department of Sports-in kaihhruaina a siam chu tha taka zawm tur a ni.
Tin, heng hmunah te hian SOP tha taka zawm a nih theih nan Sports & Youth Services Department-in ruahmanna a siam ang.
4. Cinema hall, auditorium, community hall leh intawllenna hmun dangahte chuan punkhawmna tur hmunah a leng zat 50% aia tam lovin a punkhawm theih ang a; Government of India, Ministry of Information and Broadcastingin kaihhruaina a siam chu tha taka zawm tur a ni.
5. Sawrkar programme leh pawl thila punkhawmna dang reng rengah chuan punkhawmna tur hmuna leng zat 50% aia tam lovin a punkhawm theih ang. Heng hmunahte hian mipui a huhova zaikhawm khap a ni a. Amaherawhchu, mal zai (solo) leh group zai (duet, trio leh quartet) phal a ni ang.
6. Mipui punkhawmna hmunahte hian COVID-19 inkaidarh a nih loh nana invenna atana inkaihhruaina (SOP) siam (Attachment-IV) hi tha taka zawm tur a ni.
G. Bungraw châwkluh leh thiar chungchang
1. Phai atanga bungraw lalut tur leh rawn phurlut tur reng reng chuan mCOVID-19 mobile application-a mPass hmangin declaration an theh lut tur a ni. Tin, driver leh handyman te chu Aarogya Setu-ah in-register vek tur a ni.
2. Driver leh handyman, Mizoram atanga bungraw la tura zin chhuak thinte chuan bungraw lâk hna an thawh chhûng chu midang nen intlawhpawh lovin an thawk ang a, an awm lailawkna tur chu anmahni ruaitute kut a ni ang. COVID-19 test negative result an neih veleh emaw load an lak hnuhnun ber atanga ni 14 hnu-ah midang nen an intlawhpawh thei ang.
3. State pawn atanga lirthei driver leh handyman bungrua rawn thiar lut thinte chu an bungraw dah hnua backload an châng duh a nih chuan check gate-ah COVID-19 negative certificate (RT-PCR/TrueNat/CBNAAT, darkar 96 aia hlui lo) nen an in-report tur a ni. Heng certificate nei lote chu check gate-ah man chawiin test an ni ang a, COVID-19 positive an nih chuan Mizoram chhunga CCC hnai berah dah an ni ang. Thil phurh an unload zawh veleh an kir leh nghal dawn a nih chuan COVID-19 negative certificate emaw check gate-a test paltlang kher a ngai lovang. District Level Task Force (DLTF) ten an District chhunga bungraw phur lirthei lo lutte chuan heng dânte hi an zawm leh zawm loh uluk takin an en dik thin tur a ni.
4. A chunga tarlan driver leh handyman-te hian kawng laka harsatna an tawh thulhah State Control Room (Toll free 1070, landline 0389-2342520, mobile 7629072785 and whatsapp 9366331931)leh COVID-19 (Medical) helpline number (Toll free 102, landline 0389-2323336, 0389-2322336 leh 0389-
2318336)-ah tephone-in an harsatnate an thlen thei ang.
H. Dawr leh sumdawnna hmun
1. Bazar, dawr, petrol pump/filling station leh sumdawnna hmuna ‘social distancing’ kenkawh chungchangah a neitu ten mawh an phur ang. Tin, tha taka zawm a nih ngei nan LLTF/VLTF ten anmahni bial chhûngah hma an la bawk ang. Tin, heng hmunah te hian a hnuaia tarlan kaihhruainate hi zawm ngei tur a ni:
a) Dawrtu leh dawr neitu ten face mask emaw hmanraw dang hmangin hmai an tuam ngei ngei tur a ni.
b) Dawr neitu ten faina, a bik takin kut sil fai, an uar tur a ni. Tin, dawrtute tan hand sanitizer an chhawp ngei ngei tur a ni.
c) Mi pathum aia tamin dawr an nghak tur a ni lo. Wholesale dawr leh dawr lian (departmental store)-ah te erawh chuan mamawh dan azirin godown/store lama thawktu nen mi 6 (paruk) thleng an chhawr thei ang a, a zat chiah erawh chu dawr awmna vênga LLTF/VLTF ten an bituk ang.
d) Dawrtute hming, address, contact number leh dawr hun chhinchhiah nan Sulhnu app hmanga scan tur QR Code fiah tha tak dawr tinah târ tur a ni. Dawr neitu/nghaktu ten an dawr tlawhtu zawng zawngin QR Code an scan ngei a ni tih an finfiah zel tur a ni. Amaherawhchu, dawrtute zingah Sulhnu app hmang lo an awm theih avangin dawr zawng zawngte hian chhinchhiahna lehkhabu (register) an chhawp tel vek tur a ni a, Sulhnu app hmang lo dawrtute hming, address leh contact number an ziah luhtir ngei tur a ni.
e) Dawrtute an intlar a tul changin social distancing an zawm ngeina turin dawr neitu ten ruahmanna an siam tur a ni. Dawr chhûngah pawh feet 6-a inhlatin an awm tur ani.
f) A theih chin chinah pawisa fai inhlan kher lova indawr dan (cashless transaction) hman tangkai tur a ni.
2 a) District headquarters-a dawr, hotel, restaurant leh sumdawnna hmun dangte chu zan curfew tan hun bawh buai lo tawka hawn theih a ni ang. Hotel leh restaurant-ah te hian inkaihhruaina (SOP) hman tur chu Tourism Department-in a duang ang a, khauh taka zawm tur a ni ang. Damdawi dawr leh petrol pump te chu hawn hun chungchangah khuahkhirhna awm lovin an inhawng thei ang.
b) Curfew-in a huam lohna khuaahte chuan dawr, hotel, restaurant leh sumdawnna hmunte hawn chungchangah inkuahkhirhna a awm tawh lovang.
3. Thlai thar leh chawhmeh dang zawrhna hmun ruatah a zuartute chu feet 6 aia inhnaih lo turin thutna ruahman mhin tur a ni.
II. AIZAWL MUNICIPAL AREA BIKA LIRTHEI VEIVAH DAN TUR.
Aizawl Municipal Corporation huam chhunga lirthei intlanchhawk dan chu Superintendent of Traffic, Aizawl-in ruahmanna a siam ang zela kalpui a ni ang.
III. CONTAINMENT AREA/ZONE PUAN CHUNGCHANG
1. The Mizoram Epidemic Diseases (COVID-19) Regulations, 2020-in thuneihna a pêk- Chief Secretary leh Deputy Commissioner-te lo chuan containment area/zone leh lockdown an puang thei lova, hei hian vêng/khaw bil lockdown puan pawh a huam a ni.
2. A tul dan azirin Deputy Commissioner ten an district chhûnga khawi hmun pawh risk assessment mumal tak neiin containment area/ zone-ah an puang ang.
3. Containment area/zone-ah te chuan Deputy Commissioner-in thupêk a chhuah te chu zawm tur a ni.
4. Containment area/zone pâwna lockdown puan a ngai a nih chuan Central Sawrkar râwnin State Sawrkar-in a puang ang.
5. Containment area/zone-a puan vang ni si lova district bil emaw khua/veng bila inkharkhip phal a ni lo.
IV. HREMNA DAN
He thupek zâwm lo chu Disaster Management Act, 2005 hnuaia Section 51 atanga Section 60, The Mizoram (Containment & Prevention of the spread of COVID-19) Act, 2020 hnuaia Section 5 leh IPC Section 188 hmangin hrem theih an ni.
Sawrkarin heng thuchhuah a siamte hi a tul dan azirin a ennawnin a tidanglam thei ang.
