Mizo Upa sub Hqrs Conference Vawi 5-na chu vawiin khan Chhim Veng Hall, Mamit ah neih a ni a. He hun hi Bialtu MLA, Pu John Rotluangliana, Deputy Speaker Mizoram-in a hmanpui.
Thusawiin Pu John Rotluangliana Deputy Speaker chuan upa te hi hnam tan mai nilovin chhungkaw tan VIP in ni tiin in thawhrah-ah thangtharte hian tunlai hmasawnna zar kan zo a ni a ti a. Tunlai huna kum upa zawk thite tar thi tia sawi hi thil pawm harsa tak a ni tiin chhungkaw tan upa te hi an pawimawhin chhungkaw khaikhawmtu an ni a ti a. chuvangin in dinhmun hi a zahawmin zah in phu a ni tih in hriat ka duh a ni a ti bawk. A sawizelnaah Pu Johna chuan Upa, thluak nem te thurawn la lova thalaiten kan ngaihdan anga kan kal hian humsual kan dai fo thin a ni tiin upate thu kan zawm fo hi thalaite tan a finthlak a ni a ti bawk. Mizo nih hi a nuamin nu leh pa upa zawkten fel taka min awp khawm hi a nuam em em a, hetianga nuam hi khawvel ah a awm lo a ni a ti bawk.
Deputy Speaker chuan hmasawnna kawnga Sorkar hmalak hrang hrangte tarlangin Mamit chawmtu Lahmun lui lak belh chhah nana Kurung lui lak belh chuan nasa takin tuiah Mamit mipuite min tiziaawm a ni tiin Rawpuichhipah pawh tui lak zawh tawh niin rei lote ah mipuite tan connection siam a ni ang a ti bawk. Zirna tih changtlun nan RMSA hnuaiah High School 23 Mizoram ah din belh tum niin chung zing a pathum chu Mamit District ah din a ni ang a ti bawk.
Deputy Speaker chuan Mamit khawpui District Hqrs-ah hian District Office la awm lo te dah turin hmalak mek a nih thu tarlangin hemi atan hian mipuite pawh a hmun leh hma turah kan inhuam hle a ngai dawn a ni tiin Mamit Town Road zauhna tura mimal ten ui lova an ram an pek na-ah Bialtu MLA chuan lawmthu a sawi bawk a ni.
Bialtu MLA Pu John Rotluangliana chuan MUP Sub-Hqrs tanpui nan Rs 20,000/-( Singhnih) a pe bawk a ni.
Conference hi Pu R. Zahlira President MUP Sub-Hqrs Mamit-in a kaihruai a ni.
Bialtu MLA hian naktuk hian DTO Office hmun tur leh Polytechnic hmunhma turte a en dawn a.
Deputy Speaker chuan hmasawnna kawnga Sorkar hmalak hrang hrangte tarlangin Mamit chawmtu Lahmun lui lak belh chhah nana Kurung lui lak belh chuan nasa takin tuiah Mamit mipuite min tiziaawm a ni tiin Rawpuichhipah pawh tui lak zawh tawh niin rei lote ah mipuite tan connection siam a ni ang a ti bawk. Zirna tih changtlun nan RMSA hnuaiah High School 23 Mizoram ah din belh tum niin chung zing a pathum chu Mamit District ah din a ni ang a ti bawk.
Deputy Speaker chuan Mamit khawpui District Hqrs-ah hian District Office la awm lo te dah turin hmalak mek a nih thu tarlangin hemi atan hian mipuite pawh a hmun leh hma turah kan inhuam hle a ngai dawn a ni tiin Mamit Town Road zauhna tura mimal ten ui lova an ram an pek na-ah Bialtu MLA chuan lawmthu a sawi bawk a ni.
Bialtu MLA Pu John Rotluangliana chuan MUP Sub-Hqrs tanpui nan Rs 20,000/-( Singhnih) a pe bawk a ni.
Conference hi Pu R. Zahlira President MUP Sub-Hqrs Mamit-in a kaihruai a ni.
Bialtu MLA hian naktuk hian DTO Office hmun tur leh Polytechnic hmunhma turte a en dawn a.
