Aizawl khawpui chhung traffic tawt lutuk tih ziaawm theih beiseiin Chief Minister Pu Lal Thanhawla hmalakna hnuaiah ropeway siam theih anih dawn leh  dawnloh mithiam ten kar hmasa khan rawn thlithlaiin, preliminary survey an nei.
He ropeway rawn thlithlai tura lokal Nagar Juna Construction Company, Gurgaona an mithiam Mukesh Ralhan leh Ramesh Sia te hian UD & PA Minister Pu Zodintluanga leh official te kawmin, sawihona te an nei a. Site inspection leh data collection te an ti nghal bawk a ni. UD&PA department a engineer-te nen ropeway siamna hmun tur awm deuhte an enkual nghal a. Ruahmanna an han siam chhinah, New Secretariat Office Complex hmun remchang laiah Station Building pakhat dahin, hei hi Zotlang atangte, High School Field tlang (CM Office bul ) atangte, Tuikhuahtlang atangte a kal pawh theih tura siam nise an ti a. Hengte bakah hian Bawngkawn leh Zemabawk mite tangkaipui tur, mithiam tena hmun remchang tak leh  ropeway tha tawk tak siam theihna tur Thuampui venga Ch.Chhunga Bus Terminal leh Electric Venga Power & Electric department Complex inkar a ni a, hetah hian Station Building siam ve ve nise an ti a ni.

Ropeway bakah hian state dang thenkhata an lo siam tawh ang, kawng chhak leh thlang inkalpawhna tur Outdoor Lift ang chi te pawh hmun thenkhatah chuan a siam theih tur thu mithiamte hian an sawi bawk a ni.

Heng Preliminary Survey atang hian Feasibility Survey neih leh tur ala ni.