Department of AYUSH, Ministry of Health & Family Welfare, Govt. of India leh Department of AYUSH, Directorate of Health Services, Govt. of Mizoram tangkawp buatsaih ‘AROGYA MELA 2010’ chu vawiin khan A.R. Ground-ah Mizoram Governor Lt.Gen.(Rtd) M.M.Lakhera-in a hawng a ni. Sorkar Laipui-a Ministry of Health & Family hnuaia hriselna lama tanlakna ruahmanna lian tak pakhat ‘AROGYA Mela’ hi Mizoramah tun hi a tum khatna tan neih a ni a, ni thum (13-15 April, 2010) chhung awh tura buatsaih a ni. He ‘AROGYA MELA 2010’ hian a tum ber chu Mizoram mipuite zingah AYUSH vawrh lar leh ramhmul damdawi India ram leh Mizoram hmun tam taka awm taksa leh natna tihdam nana tha takte Mizo mipuite hnena hrilhhriat leh zirtir a ni.
AROGYA MELA 2010 hawnnaah thu sawiin Governor chuan vawiin hi Mizoram tan ni chhinchhiah tlak a ni a, sorkar laipuia ministry pawimawh tak Health Ministry dawr ngai lovin, anni zawkin Mizo mipuite hamthatna tur ngaiin hetiang hun tha tak an rawn buatsaih ta zawk hi Mizo mipuiten chhawr tangkai thiam turin a chah a ni. Thingtlang leh hmun kilkhawr zawkah doctor leh medical staff indaihlohna avang leh damdawi man a sang tial tial avangin mi harsa zawkte tan hriselna lamah inenkawlnaah harsatna nasa tak an tawk mek a, heng harsatna te hi engemaw chin chu AYUSH leh ramhmul damdawi hmanin a sutkian theih a rin thu a sawi bawk. Khawvel pumah ramhmul damdawi lam zirna department hran ngat nei University tlemte zingah Mizoram University a tel ve chu a vanneihthlak a tih thu sawiin Governor chuan Mizo pipute atanga ramhmul damdawi hman thin te chu zirchiang a, uar leh zuala hman tangkai leh humhalh chu a pawimawh hle a ni, a ti.
AROGYA MELA 2010 hawnna hmang tura Central atanga lo kal Pi S.Salaja, Secretary, Dept.. of AYUSH, Ministry of Health & Family Welfare pawhin thusawiin Mizoramah a vawi khatna atan he Mela hi an rawn buatsaih theih leh Mizoram sorkar-in tha taka an lo dansawn avangin lawmthu a sawi. Mizoram AYUSH leh ramhmul damdawi lamah tan an rawn lak zel tur thu sawiin Pi Salaja chuan tunah hian Mizoram chhunga District 10-ah AYUSH Clinic hawn a nih tawh chu thuamthat chho zel a, a dang pawh hawn belh an tum a ni, a ti. Homoeopathy hi Germany rama piang ni mahse, India chauh hi Homoeopathy chu Danin a pawm thlap a, mipuite hriselna lama inenkawl nana hmang tak tak awm chhun a nih thu a sawilang bawk. Mizoram state chu National Rural Health Mission (NRHM)-ah ti tha ber pawl a nih chu a lawmpuina leh NRHM kaltlagin AYUSH chu zau leh awlsam zawka mipuite banphaka ruahman an tum thu a sawi a ni.
Mizoram Chief Secreatry leh AROGYA Mela 2010 Organising Committe Chairman ni bawk Pu Vanhela Pachuau chuan Mizoram sorkarin AYUSH Department leh Medicinal Plant Board te chu tihchangltun a tum mek thu leh Mizo ramhmul damdawi siam lamah tanlak a nih tur thu a sawi a. NRHM-ah Mizoram state chu a ti tha ber 2-na a nih thu a tarlang bawk a ni.
He AROGYA MELA 2010-ah hian Health & Family Welfare Department, Horticulture Department leh Agriculture Department ten stall hrang hrang luahin, an hmalakna te, an programme kalphung leh mipuite hriat atana thil pawimawhte Mela tlawhtute zirtirna leh hrilhfiahna an nei ang a. Mizoram AYUSH Doctor-te pawhin he AROGYA Mela chhung hian Free Clinic a duh apiang tana pan theih turin an neih reng dawn a ni. Central atangin Firm leh Clinic hlun leh lar tak tak ten an thilsiam hrang hrang thatna leh tangkainate mipuite inhrilhhriatna hun an nei bawk ang.
AROGYA MELA 2010 hawnna hmang tura Central atanga lo kal Pi S.Salaja, Secretary, Dept.. of AYUSH, Ministry of Health & Family Welfare pawhin thusawiin Mizoramah a vawi khatna atan he Mela hi an rawn buatsaih theih leh Mizoram sorkar-in tha taka an lo dansawn avangin lawmthu a sawi. Mizoram AYUSH leh ramhmul damdawi lamah tan an rawn lak zel tur thu sawiin Pi Salaja chuan tunah hian Mizoram chhunga District 10-ah AYUSH Clinic hawn a nih tawh chu thuamthat chho zel a, a dang pawh hawn belh an tum a ni, a ti. Homoeopathy hi Germany rama piang ni mahse, India chauh hi Homoeopathy chu Danin a pawm thlap a, mipuite hriselna lama inenkawl nana hmang tak tak awm chhun a nih thu a sawilang bawk. Mizoram state chu National Rural Health Mission (NRHM)-ah ti tha ber pawl a nih chu a lawmpuina leh NRHM kaltlagin AYUSH chu zau leh awlsam zawka mipuite banphaka ruahman an tum thu a sawi a ni.
Mizoram Chief Secreatry leh AROGYA Mela 2010 Organising Committe Chairman ni bawk Pu Vanhela Pachuau chuan Mizoram sorkarin AYUSH Department leh Medicinal Plant Board te chu tihchangltun a tum mek thu leh Mizo ramhmul damdawi siam lamah tanlak a nih tur thu a sawi a. NRHM-ah Mizoram state chu a ti tha ber 2-na a nih thu a tarlang bawk a ni.
He AROGYA MELA 2010-ah hian Health & Family Welfare Department, Horticulture Department leh Agriculture Department ten stall hrang hrang luahin, an hmalakna te, an programme kalphung leh mipuite hriat atana thil pawimawhte Mela tlawhtute zirtirna leh hrilhfiahna an nei ang a. Mizoram AYUSH Doctor-te pawhin he AROGYA Mela chhung hian Free Clinic a duh apiang tana pan theih turin an neih reng dawn a ni. Central atangin Firm leh Clinic hlun leh lar tak tak ten an thilsiam hrang hrang thatna leh tangkainate mipuite inhrilhhriatna hun an nei bawk ang.
Attachment
- Loading attachment...
