Vawiin 1st October 2010 hi khawvel puma Upate Ni a ni a. Tuidam Upa Pawl-in Tuidam Community Hall-a he ni puala an buatsaih chu Pu JH.Rothuama, Minister, Revenue etc. in a hmanpui.
Thusawiin khuallian Pu JH.Rothuama Minister, Revenue etc. chuan upa te hi vawiin ni ah hian kan zahin kan chawimawi tur a ni a ti a. Tunhma deuh phei kha chuan upate hi naupangte aiin kan dah hniam thin a, tar a, ti tein kan sawi thin. Heihi tun dinhmunah chuan kan kal pel hret hret zela, duhthusam erawh chuan kan la zah tawk lo a ni tiin hemi hmang hian hmasawn zel kan tum a pawimawh a ni a ti. Hnam fing apiangin upate zahin an dah pawimawh a, an finna leh thiamna te an chhawr tangkai thei a ni tih thangtharte hian kan hriat a tul a ni a ti bawk. Hetih rual hian upate pawh an hriatna leh ngaihtuahna te inthlahrung lova ram hmasawnna atana hmang tur leh sawrkar pawh thurawn pe zel turin a ngen bawk a ni.
Khuallian chuan upate leh kan rama tlawmngai pawl hrang hrangte, YMA, MHIP te pawh kan rama sualna chi hrang hrang dona kawnga hna an thawh nasatzia chu fakin nasa zawka sawrkar tanpui zel turin a sawm bawk a ni.
Khuallian chuan miretheite khaichhuahna tura programme duan NLUP chungchang sawiin a hlawhtlin ngei theih nan sawrkarin uluk takin a ruahman a ni tiin, a hlawhtlinna tak tak innghahna chu a dawngtu mipuite ah a ni tiin mipuiten tan kan lak a tul dawn a ni tiin kalkhawmte a chah a. Sawrkar dik leh tha kan neih theih nan mipuite pawh kan dikin kan rinawm tur a ni tiin, kristian kan nihna nena inmil in kawng engkimah dik takin hma i la theuh ang u tiin kalkhawmte a sawm bawk a ni.
He khawvel pum Upate Ni Tuidam khua a hman hi Pu Vanlalauva, MUP Tuidam in kaihruaiin Lengkhawm Zai intihsiak buatsaih a ni a, 1st SAY, 2nd MUP leh 3rd MHIP te niin lawmman te siam a ni a, lawmman te hi khuallian hian a sem nghal bawk a ni. Khuallian hian Tuidam MUP hnenah Rs.5000/- leh MHIP, Tuidam hnenah Rs.1000/- a pe bawk.
Tuidam Upa Pawl hian Pu JH.Rothuama Minister hi chawimawina Thuziak (Certificate) an hlan a ni.
Khuallian hian vawiin vek khan Mamit Bazar Venga Lei tlahniam a hmunah a en a, Relief Committee hnenah pawisa fai Rs. 2000 a hlan nghal bawk. Official engemaw zatin an tawiawm a ni.
Khuallian chuan upate leh kan rama tlawmngai pawl hrang hrangte, YMA, MHIP te pawh kan rama sualna chi hrang hrang dona kawnga hna an thawh nasatzia chu fakin nasa zawka sawrkar tanpui zel turin a sawm bawk a ni.
Khuallian chuan miretheite khaichhuahna tura programme duan NLUP chungchang sawiin a hlawhtlin ngei theih nan sawrkarin uluk takin a ruahman a ni tiin, a hlawhtlinna tak tak innghahna chu a dawngtu mipuite ah a ni tiin mipuiten tan kan lak a tul dawn a ni tiin kalkhawmte a chah a. Sawrkar dik leh tha kan neih theih nan mipuite pawh kan dikin kan rinawm tur a ni tiin, kristian kan nihna nena inmil in kawng engkimah dik takin hma i la theuh ang u tiin kalkhawmte a sawm bawk a ni.
He khawvel pum Upate Ni Tuidam khua a hman hi Pu Vanlalauva, MUP Tuidam in kaihruaiin Lengkhawm Zai intihsiak buatsaih a ni a, 1st SAY, 2nd MUP leh 3rd MHIP te niin lawmman te siam a ni a, lawmman te hi khuallian hian a sem nghal bawk a ni. Khuallian hian Tuidam MUP hnenah Rs.5000/- leh MHIP, Tuidam hnenah Rs.1000/- a pe bawk.
Tuidam Upa Pawl hian Pu JH.Rothuama Minister hi chawimawina Thuziak (Certificate) an hlan a ni.
Khuallian hian vawiin vek khan Mamit Bazar Venga Lei tlahniam a hmunah a en a, Relief Committee hnenah pawisa fai Rs. 2000 a hlan nghal bawk. Official engemaw zatin an tawiawm a ni.
Attachment
- mamit_1_.bmp
- mamit_2_.bmp
- Loading attachment...
