Vawin khan “Upate Ni” denchhen in Sateek Upa Pawl IN thar chu Pu Lalthanglaina Murray IFS, DFO Aizawl in hawngin Mizoram Upa Pawl(MUP) Member 150  chuang ten he ni hi hlim takin an hmang a ni. He Upa Pawl IN hi MLA Fund atanga Sateek Upa Pawl ten an sak a ni a dung ft.20 leh a vang ft. 12 a lian a ni a. Pu Lalthangliana chuan Upate pawisak leh zah nachang thangtharten kan hriat a tul thu te, an hamthatna te ngaih pawimawh an tul zia leh tunlai YMA leh kohhran hrang hrang ten zonunmawi kan inzirtirna kawng ah upate rawn an tul zia te leh an experience hmang tangkai turin upate ngaihchanna chang hriat a tul thute a sawi a ni.

Pu Lalthangliana Murray chuan vawin nungchate hapta vawi 55-na champha denchhenin mipui kalkhawmte chu khuanu malsawmna kan dawn nungchate leh an chhenna humhalh tura tan la turin a fuih a, hei hi khua leh tui tha nihna mai bakah Pathian thupek, Kristianten kan zawm ngei ngei tur a ni tih uar takin a sawi.

MUP Member te hman atan khuallian hian Steel Almirah, Arm chair-24, chawiei thleng-75, No-dozen 2 leh lekhabu hlu tak tak thahnem tawk tak a hian a ni a, tlaiah ruai thehin he ni hi hlimawm takin an hmang zo a ni.