Tukin khan Pu Joseph Lalhimpuia, Vice Chairman, HPC chuan a bial chhung Ramthar Veng a tlawh a, he hun hi Pu H.Lalramliana, VCP in a kaihruai a ni.

Pu Joseph-a chuan khawtlang tana hnathawk turin hnathawh kawr min hak tir a, Ramthar Veng hmasawnna tura a hmachhawp te chu theihtawp a chhuah tur thu a sawi a. Ramthar Veng Health Sub-Centre Salem veng area a awm tak avanga Salem Veng nena intawm reng a harsat avanga Ramthar Veng Health Sub-Centre dah tura kan hmalakna angin, a ban phun tan a ni ta, a ti. Chubakah Ramthar Veng a Fire Deptt. awm chu tihchangtlun tum mek a ni a, sub-station puitlinga hlankai turin budget pawh siam vek tawh a ni a, tuna a hmun hma erawh chuan a dawl zo dawn lova, tuna MST Bus Station hmunah sawn Multi Storage building cheng vaibelchhe 20 senga sak a ni dawn a, chumi hnuaiah chuan dah a remchang hle dawn a ni, a ti. Lunglei Luangmuala Bus Terminal siam turah hian Transport Deptt. chu an awm phei dawn bawk a ni, a ti.

Hemi hnu hian Pu Joseph Lalhimpuia ho hian vengchhung hmun hrang hrang an tlawh kual a, he hunah hian amah tawiawmtu sawrkar department hrang hrang office lerh LDCc hotuten an tawiawm a ni.