Vawiin khan Horticulture Department leh Mizoram Florist Association te chuan January ni 24 - 26, 2009 chhunga Flower Show Silchar, Gandhibag a neih ah Flower arrangement chi hrang hrangah lawmman thahnem tak an lak bakah a pumpui a ti tha ber lawmman “Pride of the Show” an lak chu lawmna hun an hmang.
He lawmna Programme hi Pi Lalnuntluangi, MFA President in a kaihruai a. Mizoram-ah Pangpar chingtute leh a changtu Department te tanrualna avanga pangpar chin leh khawi kawngah nasa taka hma kan sawnna avangin heng lawmman hlu tak la theia kan awm hi lawmawm a tih thu a sawi a. Pu C. Lalawmpuia, HEO, he Flower Show-a hruatu ni bawk chuan report pe in pangpar chin leh enkawl chungchangah te, pangpar khawi lamah te Mizoram lo san tawh zia he Flower Show hian a pho lang chiang hle a ni. He Flower Show hian Mizoram leh Silchar inkungkaihna tha leh boruak muanawm tak a siam telna hi a hlawhtlinna ropui tak pakhat chu a ni.
He huna khuallian Pu R. Zotawna, Jt. Director of Horticulture chuan thu sawiin Department leh pangpar chingtu te tangkawp hian Flower Show hi National Level chauh nilovin tam takah Mizoram pangpar te kan pho lang ve tawh thin a, lawmman pawh vawi duai lo lak a ni tawh nghe nghe a ni. Mizo hmeichhia te hi pangpar khawi-ah phei chuan kan duai lo hle a, hnam dang leh ram dang mi te ngaihsan pawh kan hlawh hle a, pangpar ngaihsan leh hetiang thiamna lama changkanna hian kan hnam pawh a changkan tawh zia a tilang chiang hle a ni a ti.
Pi Lalropari, MFA General Secretary chuan lawmthu sawiin heng hlawhtlinna tura hmalatute chungah lawmthu a sawi a.
MFA te hian March ni 4 - 6 chhung hian Assembly Garage-ah Flower Show neih an tum a. Mipui a tam thei ang berin he flower show-an neih tur hi chhim turin an ngenin an sawm nghal a ni.
He huna khuallian Pu R. Zotawna, Jt. Director of Horticulture chuan thu sawiin Department leh pangpar chingtu te tangkawp hian Flower Show hi National Level chauh nilovin tam takah Mizoram pangpar te kan pho lang ve tawh thin a, lawmman pawh vawi duai lo lak a ni tawh nghe nghe a ni. Mizo hmeichhia te hi pangpar khawi-ah phei chuan kan duai lo hle a, hnam dang leh ram dang mi te ngaihsan pawh kan hlawh hle a, pangpar ngaihsan leh hetiang thiamna lama changkanna hian kan hnam pawh a changkan tawh zia a tilang chiang hle a ni a ti.
Pi Lalropari, MFA General Secretary chuan lawmthu sawiin heng hlawhtlinna tura hmalatute chungah lawmthu a sawi a.
MFA te hian March ni 4 - 6 chhung hian Assembly Garage-ah Flower Show neih an tum a. Mipui a tam thei ang berin he flower show-an neih tur hi chhim turin an ngenin an sawm nghal a ni.
