2860/2022-2023

Aizawl the 29th November 2022 : Vawiin khan Food Civil Supply & Consumer Affairs changtu Minister Pu K.Lalrinliana chuan New Vervekah Supply Godown thar a hawng.

Hawnna inkhawmah Pu K.Lalrinliana chuan khawtlang leh ram mipuite mamawh peihfel a ni thei ta chu lawmawm a tih thu a sawi a. Khawtlang mipuite chu Godown neitu an nih angin uluk taka lo enkawl turin a ngen a, Department hnuaia enkawl hna thawktute chu mipuite eibel a nih angin uluk taka enkawl sak turin a chah bawk.

New Vervek Supply Godown hi kum 2022-23 chhunga Supply Godown tihchangtlun tura ruahman 21 zinga mi a ni a. NABARD Warehouse Infrastructure Fund (WIF) Project kaltlanga sak niin quintal 2000 leng thei tura ruahman a ni. Godown thar sakna atan hian cheng nuai 158.66 hman a ni.

Godown thar hawnna ah hian Supply Minister hi Pi Ramdinliani, Secretary, Food Civil Supplies & Consumer Affairs (FCS&CA) leh Dr.Andrew H. Vanlaldika, Director(FCS&CA) ten an tawiawm a ni.

Attachment

  • Loading attachment...