“Tun kum atangin Mizo thalai UPSC prelims paltlangte chu cheng Nuai 1 pek anni anga, Mains paltlangte chu cheng Nuai 2 pek anni bawk ang”, Pu Joseph Lalhimpuia, MYC Chairman chuan “V.Laltlanmawia 2nd Solo Exhibition of Painting” hawnna hunah Khuallian niin a sawi.  Pu Josepha chuan, Tun kum hi India sipaiah mizo thalai tam thei ang ber lut thei turin hma nasa takin kan la mek bawk a ni, a ti a, Mizo thalaiten khawvel thiamna leh eizawnna dapna kawng zau zawk an neih theihna turin  sawrkar hian hma nasa takin ala mek a ni, a ti bawk.  MYC chairman chuan Mizoram Youth Commission hmalakna hrang hrangte tarlangin SSC coaching Mizoram district tinah kalpui thuai an tum thu a sawi a, Sipai Officer leh Bank hnuaia hna lak hrang hrang atan coaching ruahman tum a nih thu leh mizo zirlai tam zawk in NEET tha taka an paltlang theih nan hma lak tum anih thu a sawi bawk.

Pu Joseph Lalhimpuia chuan “V.Laltlanmawia 2nd Solo Exhibition of Painting” hawngin, Lemziak hian thu tam tak a keng tel a, a thlirtu a zirin kan thinlungah hna nasa takin a thawk thin a ni, a ti a, lemziak hian phurnate, hlim leh lawmnate leh inunauna tha thlengin a thlen thei a ni, a ti bawk. Pu Josepha chuan lemziakmite chu  an thiamna leh finnate khawtlang, kohhran leh ram tan tangkai taka hmang turin a chah a, MYC kaltlanga Mizo lemziakmiten ram pawna an lemziah phochhuah anih theih nan hma a lakpui tur thu a sawi bawk.

Pi Lallianpuii, MIS, Joint Director, I&PR chuan Mizoram Arts Development Society leh I&PR tangkawpa hmalakna hrang hrangte tarlangin, Kan Mizo Lemziakmite kutchhuak hi ram pawn mite hmuh turin Lengpui Airport leh Mizoram house hrang hrangahte tar chhuah anni a, hengte hian kan ram leh hnam ziarang phochhuah kawngah min pui nasa hle a ni, a ti a, mipuite pawhin heng lemziakte hi kan hlut thiam a hun tawh hle a ni, a ti bawk.

V.Laltlanmawia 2nd Solo Exhibition of Painting hawnna hun hi Pu Laltanpui, Vice President, MADS in a kaihruaia, Pu HK Jerry Ramliana, President, MADS leh Pu H.Thangmawia ten thu an sawi bawk. Painting Exhibition hi 11-15th September 2018 chhung awh tur niin Lemziak 43 phochhuah a ni a, a tam zawk hi water colour painting a ni a, a duh apiang tan tlawh theih leh lei theiha pholan a n