Vawiin khan Chhimveng YMA Hall, Mamit-ah 5th Anti Tobacco Day, Anti-Tobacco Awareness Campaign chu Project Himna Madat hnuaia National Tobacco Control Programme,  Mamit buatsaihin neih a ni.

He hun hmanpuitu Dr Zothankhuma Chhakchhuak, chuan vaihlo leh kaihhnawih chu mizoten kan hman nasat avangin kan hnam nun thlengin a ti chhia a ni a ti. India ram District chawikan ngai thlanchhuah-ah Mamit District chu telh ve kan ni a, chu tehkhawng atana pawimawh ber pakhat chu mipuite hriselna a ni a ti, kan changkanna tura pawimawh hmasa ber enge kan tih chuan hriselna a nih avangin, chu kan hriselna ti chhetu vaihlo leh a kaihnawih chu do ngam turin zirlai kalkhawmte a sawm a, mahni in chhunga meizuk phal lo tur leh midangte hnena meizuk that lohzia puangchhuaktu ni theuh turin kalkhawmte a sawm bawk a ni.

Dr Nancy Lalnunmawii, District Consultant NTCP chuan Mizoram chu India ram state-te zinga vaihlo hmang nasa ber pahnihna kan ni mek a, Secondhand smoke ah pakhatna kan ni mek bawk, vaihlo leh a kaihnawih in hriselna a tihchhiat theihdan leh vaihlo kan tihin a huam chinte, Mizoramin vaihlo leh a kaihnawih hmansual kawnga kan dinhmun te leh zirlai naupangte zuk leh hmuama fihlim thatna leh ram hmasawnna atana pawimawh a nih thute a lem nen a entir a. Vaihlo leh a kaihnawih mahni maia bansan thei lote tan Mamit District Hospital-ah Clinic hawn niin,  nitin pan theih a nih thu a tarlang bawk.

Anti-tobacco Day vawi 5 na hi Dr P.C Liannghaka DMS chuan kaihhruaia, Pu Hmingchungnunga, DPS, Mamit District-in  lawmthu sawina a nei bawk. Zuk leh hmuam dona kawnga, School naupangte tana buatsaih Art for Health Competition lawmman semna neih nghal niin 1. Hmunsam Public School an ni a. 2. Presbyterian English School niin, 3. Govt Middle School I te an ni.

Kumin Anti Tobacco Day thupui atan hian "In chhung leh Lirthei chhunga meizuk loh' tih hman a ni a.  Mamit khawpui chhunga School hrang hrang  atangin School naupang thlanchhuahte leh zirtirtute te an tel a ni.