Vawiin zing khan District Programme Officer (ICDS)leh Child Development Office (ICDS) Project, Lunglei te buatsaihin Deputy Commissioner tual ah National Nutrition month 2018(Poshan Maah) hman ani a. Pu Benjamin Lalzama, Addl. Deputy Comissioner, Lunglei chu khuallian niin a hmanpuiin Rally vailiam na a nei nghal ani.

National Nutrition Month hmanna inkhawm hi Pi Lalmalsawmi, Nutritionist i/c District Programme Officer (ICDS) Lunglei chuan kaihruaiin Khuallian Pu Benjamin Lalzama chuan kumtin 1st-7th Sept. hi Nutrition atan kan lo hmang thin a.Kuminah erawh chuan Poshan Abhiyaan(National Nutrition Mission)a lo pian tak avangin uar leh zualin September thla pumpui hi Nutrition Month-Poshan Maah a hman tur a lo nita ani. India ramah chaw tha ei tam tawk loh avangin kum 6 hnuailam te zingah than tur anga thang lo leh san tur anga sang lo tamtak hmuhchhuah ani a.Nu naupai laia chaw tha ei tawk loh avangin nausen a rih tur ang leh anih tur ang ni zo lo tam tak an awm, chutih rual chuan nausen thla 6 an tlin hmaa hnute tui chauh pek kan uar loh leh thla 6 an pelh tawh huna chaw tha ei tur dang pek nachang hriat loh avangin harsatna tamtak leh natna tam tak a lo awm tih hi mithiamte chhut dan ani. He Mission in a tum ber chu chaw tha ei tawk loh avanga hrisel lohna lo awm hi kum 2022 ah chuan tireh vek ani. Chuvang chuan kan ram ah pawh Siaha leh Lawngtlai District ah bultan a lo ni tawh a, kumin ah hian Aizawl,Champhai leh Mamit District an tel leh ta a. Nakum 2019-2020 ah chaun Serchhip, Kolasib leh Lunglei te rin luh ve ngei rin ani. Chuvangin he Mission in a thil tum kan hlenchhuah ngei theih nan kan District ah chawtha chungchang pawimawhna leh tulna nasa leh zualin inzirtirna nei ila, chhungtin ten kan ei leh in tur te tharlam leh thianghlim, chakna pai tam ei tum ang u ati. Hetianga kan zavai kan tan ho chuan kan tu leh fa ten chaw tha tlakchhamna avanga harsatna tam tak awm hi kan pumpelh thei ngei anga, kan tum eitur tha -Ram Hmasawnna tih hi kan hlen chhuak ngei ang a ti bawk.

National Nutrition Month Rally hi DC kawtzawl atang Treasury Office thleng neih niin ICDS, ASHA Worker, leh Line Department hrang hrang te an tel . Pu Tlangtimawia Zote, District Agriculture Officer, Lunglei in lawmthu sawina a neiin hun khar ani

 

Attachment

  • Loading attachment...