Nimin (20.6.2014) khan Pu K. Lalrinthanga, Parliamentary Secretary chuan Vairengte Community Hall-ah Zirlai titha te chawimawina inkhawm ah khuallian niin a hmanpui. Zirlai HSSLC leh HSLC pass te hnenah chawimawina thuziak (Citation) a hlan.
Pu K. Lalrinthanga chuan fuihna thu sawiin Vairengte MZP ten chawimawina hun neih nachang an hria chu lawmawm a ti a, HSSLC leh HSLC pass thar zawngzawng te lawmpuina a hlan. He inkhawm ah hian Zirlaite chawimawina an neih mai bak ah an kal zelna tur a tangkai inzirtirna hun atan leh an hriatfiah loh zawhna chhanna hun atan an hmang chu khuallian chuan lawmawm a ti a, Zirlaiten an tangkaipui ngei a beisei thu a sawi. Zirlai te chu fuihin, sawrkarin hna a ruahman ang ang te thawk thei ngei tur in a chah. Khuallian hi Pu. J.H. Lalrimawia SDO (C) Vairengte leh Pu. C. Laldinliana CDPO Bilkhawthlir ten an tawiawm.
Nimin (20-06-2014) vek khan Pu. K. Lalrinthanga Parliament Secretary, Horticulture etc. chuan Kolasib tlawhin, Kolasib ah hian DLAO Office Staff te nen inkawmna hun an nei a, Staff ten an harsatna an thlen te chu sawipuiin tunhnai a V/C thenkhat thiah a nih vang a Staff ten heng V/C te hi an enkawl thu te, Kolasib District Park chu chei that a tul tawh thu te an lo thlen a. Parliamentary Secretary chuan a tul ang a bawhzui a tum thu a lo hrilh.
