Inner Line Permit cell , Vairengte Kawngthar veng, Police Check Gate bul a awm chu Kolasib DC H.Lalengmawia'n nimin 2nd September, 2016 khan a hawng.

ILP Cell hawnnaah hian Pu H.Lalengawia chuan Mizoram ah hian hnamdang a duh a piangte an lut thei reng a, amaherawhchu, Mizoram a lut turte chuan Permit neih angaih thu sawiin, Vairengte atanga hnamdang lo lut ten ILP lak chhuah chungchangah harsatna engeng emaw an tawh thin chhawk zangkhaina atan ILP cell hi hawn a nih thu a sawi a. He ILP cell hawn a nih theih nana hma la tu, Chief Minister leh Home Minister te, Home Department leh Kolasib SP te chungah lawmthu a sawi a.

ILP Cell chu hawn thar chauh anih avangin hnathawh danah leh rawtna nei tan engtik lai pawhin Vairengte SDO(C) hnen ah thehluh theih reng a ni a ti bawk. ILP Cell hawn thar hi awlsam taka hmuh anih theih nan Saptawng, Bengali leh Hindi in signboard siam a ni a. He cell hi Vairengte SDO(C) office extension a ni a, Kolasib DC office atang staff duty tur an dah thin dawn a ni. He cell atang hian Temporary ILP pekchhuah thin a ni anga, a hranpa a passport lak ngailo in a hmunah lak nghal theih tura ruahman a ni.

He hunah hian Kolasib SP Pu Lalzahngoa pawhin thusawina hun hmangin, SDO(C) Dr Arun T, IAS chuan a hawnna inkhawm hi a kaihruai a. Kolasib Diatrict chhunga official thenkhat an tel a ni.