Nimin chawhma dar 11 khan Champhaia cham mek Home Minister Pu R. Lalzirliana chuan Champhai BDO Office Complex-ah cheng nuai 15 senga sak Rest House a hawng a. Home Minister hi Parliamentary Secretary Home Minister hi Parliamentary Secretary Pu TT Zothansanga bakah DIG (Northern Range) Pu C. Laldina, Champhai District Bawrhsap Pu Vanlalngaihsaka, IAS leh District thuneituten an tawiawm a ni.

Building hawngtu Pu R. Lalzirliana, Home Minister chuan sum tlemte senga mikhual tan pawha thlenna tur remchang tak sak a ni chu lawmawm a tih thu a sawi a. Champhai District chhunga RD block hrang hrangte chu ramri hrula awm an nih avangin an vannei tih sawiin sawrkarin mipuite dawmkang tura NLUP hmanga hma a lak chhunzawm zel thu a sawi bawk.

Rest House hawnna inkhawm hi DRDA Project Director Pu CC Lalchhuangkima, MCS in kaihruaiin technical report a pe nghal a ni.

He Rest house hi kumin March thla khan sak tan niin August ni 10 khan hawn theih a zawh fel a ni a. Room pathum awmin VIP room pakhat leh a dang pahnih a awm a ni.