No.4798/2020-2021  

Kolasib 6^th September, 2020: Vawiin chhun khan Pu Lallawmawma, Addl. DC, Kolasib chuan vairengte tlawhin mi inphal te pek, Vairengte Screening point leh Police check gate a hman tur, Air Cooler a hlan a, Dr Zorinsanga, MO, Vairengte leh Pu Ramtharnghaka, SDPO, Vairengte ten thilpek hi an lo dawng a ni.

Pu Lallawmawma, Addl. DC chuan, Vairengte Screening point a medical team te leh Police duty-te mamawh tak, Air Cooler lei sak a, petute chu fakawm a tih thu sawiin heng thilpekte buaipui a, a tul anga hma latu MJA, Kolasib chungah lawmthu a sawi nghal bawk a ni. Pu Lallawmawma chuan, Covid-19 hrileng lak a kan him theihna tur atan a zawm tur pawimawh tak tak, hmai tuamna vuah te, kut sil tam te leh chhuahvahna a fimkhur nachang hriat te chu ngai pawimawh thar zel turin mipuite leh duty te a chah bawk a ni.

Screening point pahnih leh Police check gate Vairengte a hman turin Air Cooler hi hlan a ni a, Vairengte paltlang lirthei khalhtute leh chuangte endikna tur Chief Medical Officer's Office, Kolasib atangin RAT kit 4750 dah belh nghal a ni bawk.

Heng Air Cooler pathum te hi GIG neitu Pu John Lalpeka, David Security Solution neitu, Pu David Malsawmsanga leh Khiangte Home Appliance, Kolasib neitu Pu Laldinpuia Khiangte te pek a ni.

Thilpek hlannaah hian Er. Lalthanzuala, Sr. EE, MPWD, NH Division V, Thingdawl, Pu Hmingthanzuala, DIPRO, Kolasib leh MJA, Kolasib member te an tel a ni.