Vawiin khan Taxation Minister Pu Zodintluanga leh Parliamentary Secretary Pu S.Laldingliana hovin Commissioner of Taxes leh thawhpui dangte nen Minister Pisa-ah Department hmalakna thlir hovin Department-in inthlunzawmna lamah harsatna an neih sutkian dan an sawi hova.

Meeting chuan Vairengte Taxation Check Gate-ah Internet Connectivity a that loh vangin, mipuiin harsatna tamtak an nei a, connectivity tihchangtlun zawk nan ICT Department puihnain VSAT bun nise, VSAT bun hna hi tunkar chhung ngeiin tan nise tih an rel a. Brick a chhiah lak mek hi mipui tana zangkhai zawk nan ennawn nise tiin meeting chuan a rel bawk a.

Meeting chuan tunhnaia Commissioner of Taxes in Personal Way Bill pek dan chungchanga dan ang thlapa kalpui a nih tur thu order a chhuah chu tha an ti a. Personal Way Bill hi phalna pek ang taka hmang lo an tam thu meeting-ah hian sawi niin Personal Way bill chungchanga thuchhuak chuan Way Bill hman diklo a ven ngei an rin thu meeting-ah hian tarlan a ni.