3898/2024-2025
Dated Aizawl: the 21st January 2025 : January ni 20, 2025 (Monday) atang khan PWD chuan VAIRENGTE leh Sairang inkar kawngpui (NH54) chu war-footing in siam that hna a kalpui a. Hei hian WBM material-a pothole repair leh sidedrain repair te pawh a huam a ni.
He hna thawk tur hian Labour 20 rual chu Mega Food Park-ah riak lutin, labour camp dangte pawh Khamrang-Selesih peng bulah siam zawh tawh a ni. Khamrang thlen hma, Tuitun lei bul leh Rengtekawn area-ah te hna hi thawh tan nghal niin, Heng hna thawh nan hian JCB, vibratory roller leh tipperte chu a hmunah dah tel a ni bawk.
Vairengte to Sairang kawng (NH54) hi MoRTH-chuan NHIDCL enkawl turin gazette-ah chhuah tawh mahse; PWD-in ongoing project pahnih (i) Bilkhawthlir to Kolasib leh (ii) Kawnpui to Khamrangte la changin, a bak chu NHIDCL kutah a hlan tawh a ni.
A chunga tarlan tak kawng pahnih inkar pawh hi nikum lam khan handover tura a project thawh zawh tawh a ni chungin, Khamrang to Kawnpui bik hi contractor-in maintenance a tih that theih loh avangin contract tih tawp sak a lo ni tawh a. Helai kawng tha lo thawm that nan hian MoRTH-lam chuan Mizoram sawrkar kutah maintenance fund pe thei tawh lo mah se, Mizoram sawrkar chuan fur chhunga tha taka lirthei an tlan leh theih nan cheng nuai 75 chu WBM pothole repair nan hian a lo sanction tawh a, thawm that hna pawh a thawk mek a ni.
He thil hi High level meeting-ah pawh sawiho tawh niin, NHIDCL chuan heng kawngte hi December thla tawp/ January thla tir lama an kuta la fel (takeover) tur angin in sawi mahse an remchang leh ta lo va. PWD tan enkawl chhunzawmna tur sum sanction MoRTH atanga dil chhuah theih a nih tak loh avang leh NHIDCL chu sanction thar dil theitu zawk an nih tawh avangin NHIDCL kutah hian hlan fel (handover) tum a ni a. Maintenance pawh NHIDCL tih chhunzawm tur ni mahse, an remchan leh tak loh avang hian PWD chuan pothole fill-na tur sum sanction chu sawrkarah dil leh mekin, hemi hmachhuan hian hma an la nghal mek bawk a ni.
