3899/2024-2025

Aizawl, the 21st January, 2025: Mizoram Governor Gen (Dr) VK Singh, PVSM, AVSM, YSM (Retd) chuan Governor a nih hnua a tum khat nan vawiin khan New Delhi-ah President Pi Droupadi Murmu, Prime Minister Pu Narendra Modi leh Sawrkar laipuia mi pawimawh tak takte hmuin Mizoram hmasawn nana tul leh pawimawh hrang hrangte a sawipui.

Mizoram Governor hian President leh Prime Minister-te bakah hian Sawrkar laipuia Finance Minister Pi Nirmala Sitharaman, Jal Shakti Minister Pu CR Patil, Petroleum and Natural Gas Minister Pu Hardeep Singh Puri, Environment, Forest and Climate Change Minister Pu Bhupendra Yadav, Labour and Employment Minister Pu Mansukh Mandaviya leh Health & Family Welfare Minister Pu JP Nadda te a hmu bawk a ni.