National Programme for Prevention and Control of Cancer, Diabetes, Cardiovascular Diseases and Stroke (NPCDCS) leh National Programme for Prevention and Control of Deafness (NPPCD) tangkawp buatsaihin vawiin chawhma dar 10:30 khan Vaivakawn Presbyterian Kohhran Centenary Hall-ah Awareness Campaign cum Special Clinic neih a ni a.  He hun hi Dr. K. Lalbiakkima, Director, Hospital & Medical Education chuan  a hmanpui.

Mizoram ah heng natna te hi a lar tawh a, uluk taka in enkawl chuan ven leh tih dam theih a ni tiin khuallian Dr. K. Lalbiakkima chuan, ‘Tih dan aiin inven a tha zawk’ tih hre reng turin kalkhawmte chu a fuih a, awareness campaign a thu sawi tha tak takte chu ngaithla a zawm turin kalkhawmte a sawm a ni.

Awareness Campaign hi Dr.Lalthanmawii Khalthang, Consultant, NPPCS in a kaihruai a. Pi Laldinpuii, Vaivakawn MHIP President in Hunserh a hmang a ni. Awareness Campaign-ah hian Dr. Eric Zomawia State Nodal chuan Non-Communicable Disease hrang hrang awmzia sawifiahin mipuite hnenah zirtirna a pe a. Cancer, zunthlum, Lung tha lo, Stroke awm chhan leh heng natna vei lo tura inven dan a sawi bawk. Dr.Lalhmachhuana, ENT Surgeon, Civil Hospital-in Beng enkawl dan bengngawnna lo thleng thei laka inven dan te a sawifiah bawk. Pi Ramdinliani Fin. Secy. MHIP Vaivakawn Branch in  Awareness Campaign hlawhtling taka neih a ni chu lawmthu a sawi a ni. Hemi hnu hian Free Clinic neih chhunzawm a ni a. Medicine, ENT, Ortho & Physiology, Gynaecology doctor ten damlo inziak lut 300 chuang enin FNAC mi 5 an tih sak bawk a ni.