Central Sponsored Scheme Integrated Watershed Develpment Programme (IWMP),  kum 2015-2016 atanga Pradhan Mantri Krishi Sinchayet Yojana (Watershed Development Component), PMKSY (WDC) tia thlak tak Project 7 Champhai District a kalpui zingah Project – II kharna chu Inrinni khan Vankal-ah neih a ni a, Project kharna hun hi Lengteng Bialtu MLA Pu L. Thangmawia’n khuallian niin a hmanpui a ni.

Vankal Community Hall a PMKSY Project – II kharna inkhawmah hian khuallian East Tuipui Bialtu MLA Pu L. Thangmawia chuan he hun pawimawh taka tel thei tura sawmtute chungah lawmthu a sawi a . IWMP hmangin Agriculture,  Horticulture leh thildangah te thawhhona tha tak a awm  thu leh a kalpuitu PIA ten tha taka an thawk chu fakawm a tih thu a sawi a.

MLA chuan Officer ten tha taka an tanpui thu hriat tur a awm te leh kharna huna Hmuncheng leh Arro atangte a tel thei an awm chu lawmawm a tih thu leh tunlaiah Project tam tak  tha taka khar ngam loh a tam laia a kharna Programme-ah MLA te sawm ngam khawpa an tih theih avang hian DRDA, Horticulture Department leh PIA te chungah pawh a lawm hle tih a sawi a. Vankal khua in Solar Park hmun tur an pe phal chu lawmawm a tih thu leh tunah hian Sub-Station tur an duang mek a, Control Room an sak zawh leh chuan Civil Work hi chu an zo khat ang a, chumi hnuah chuan India ram pum huapin National Tender chhuahin Solar Plate dahtu tur an thlang dawn tih a sawi a, kumin chhungin Tender tih chhuah an tum tih a sawi bawk.He hunah hian Horticulture Department aiawhin H. Zosangliana bakah AMFU Champhai District hruaitute leh Watershed Committee hruaitute pawhin thu an sawi a ni.

Inrinnia IWMP Champhai –II Project kharnaa Pu H. Zahmingliana, Assistant Engineer, Champhai Dsitrict DRDA in Report a pek danin, IWMP Champhai–II Project hi kum 2010-2011 atanga thawh tan niin AMFU, Champhai District chu Project Implementing Agency an ni a. He Project hian Arro, Hmuncheng leh Vankal bialin ram 2813 Ha a bial a. Project pumpui atan hian cheng nuai 421.95 hmuh a ni a, hmalakna langsar zual zingah chuan Arro Village-ah Public Water Reservoir 3 leh Public Urininal 1 siam a ni a. Hmunchengah Public Water Reservoir 2, Public Bathroom 3 leh Water Point 1 siam a ni a. Vankal-ah  Public Reservoir 1 siam tharin Public Reservoir awm sa chhe tawh pakhat siam thata ni bawk. Heng bakah hian Self Help Group 51 dinin Micro enterprise hnuaiah chhungkaw 141 tan eizawnna siamsak a ni a, mimal 65 puih niin, Horticulure leh Agriculture kaihhnawihah huan lo neitute tan tuilakna te, tuikawng leh tui dah khawlna engemawzat siam a ni bawk.

IWMP Champhai - II Project kharnaah hian Hmuncheng, Arro leh Vankal khua te atangin Watershed hruaitute an tel kim thei a, hun hman zawhah Vankal khaw chhehvel a IWMP hnuaia Compact Area a hnathawhna hmunte an tlawh a ni.