The Mizoram Prevention of Defacement of Property Act, 1995 chuan mipui vantlang hmunhma leh bungrua te tih hmelhem a nih lohna turin a humhalh tlat a. He dan bawhchhia hremna tur pawh a duang a ni.
He dan hian sawrkar/vantlang hmunhma leh bungrua, building, buk/thlam, hriatrengna lung, milim, retaining wall, compound wall, thing, pal, tui pipe, kawngpui leh a dangte hi a chunga dan tarlan hian zunkhum, chilchhak, ziahran, rawnghnawih, thilbel a khapin hetiang hmanga tih hmelhem hi a phallo a ni.
Sub-Divisional Magistrate, Aizawl Sadar Sub-Division chuan thuchhuah siamin a chunga dan tarlan bawhchhia chu thlaruk thleng tan ina khung emaw cheng 10,000 thleng chawitira hrem emaw, tan ina khung leh pawisa chawi kawp emaw in a hrem theih tih mipui a hriattir a. Sumdawng/company/pawl pawhin he dan hi an bawhchhiat chuan an hruaitu/hotute chungah hremna hi lek tur a ni.
A chunga mipui/vantlang hmunhma leh bungrua te hi a neitu emaw luahtu emaw an awm chuan an hming leh address tarlan phal a ni ang.
