Chief Minister leh hruaitu pawimawh ten Kelkang Revival avanga harsatna sut kianna tura an hmalakna tluang takin a kal zel a, Ek in 200 sak tura ruahmanah Kelkang Revival Committee chuan unit 99 sakna tur an thlang fel tawh a, ek in 8 zawh fel tawh a ni a, unit 38 ah ek in khur laih leh sak mek a ni a. Hna tan lohna unit 53 a awm. Ek in chung atana ruahman rangva bundle 62 chu ni 24.6.2015 Nilaini khan a thleng chho bawk.

Champhai khawchhung leh a chhehvela kohhran-a  mi thahnem ngai ten hnatlangin tha an thawh mek reng bawk a ni.

Tuizem 48 thleng chho tawh a, a dawng tuten an hmang tangkaia, Kelkang Revival chhimtute tan a tangkai hle.

Ningnawi ei chunga eizawnna tlawhchhan tur vawk vulh tura thlan chhungkua 212 ten vawk in sak peih thuai tura a lan avangin ni 29.6.2015 (thawhtanni) atang hian vawkte sem turin Champhai D.C leh District Veterinary Officer ten ruahmanna an siam.

Ar vulh tur chhungkaw 16 thlante tan ar vulh dan model thar ruahmanna siam a ni a, chaw pek dan kalphung thar ruahmanna NLUP Implementing Board leh AH & Vety Deptt. hotuten an siam chu a hlawhtlin chuan NLUP Phase-ll atan hman a ni ang.