Sorkar laipui Ministry for Women and Child Development bultuma buatsaih ‘Vatsalya (Naupangte) Mela’ hmasa ber New Delhi-a Dilli Haat hmuna neih mekah Mizoram aiawhin Social Welfare Department hnuaia Integrated Child Development Scheme (ICDS) hmalakna chi hrang hrang entir a ni.

Childrens\\\' Day puala buatsaih he Vatsalya Mela hi Union Minister of State for Women and Child Development, Pi Krishna Tirat chuan November ni 14 zan khan Mela neihna hmun Dilli Haat-ah a hawng a. November ni 19 (Inrinni) thleng awh tur Mela-ah hian Adolescent Participation Programme, Gender Sensitivity on Female Foeticide, Women Empowerment and Domestic Violence, Interactions with Policy-Makers on Adolescent Issues, Nutrition and Health, Sexual Harassment at Work-place, Declining Sex Ratio leh Child Development chunchangah mipuite zirtirna neih a ni dawn a. State hrang hrang te hmalakna pholan a nih bakah Self-Help Group te thilsiam zawrh chhuah a ni ang.

Hmarchhak state zingah Mizoram chiah a tel thei a, ICDS hnuaia hlawhtlinna chi hrang hrang leh hmalak tawh dan thlalak leh banner pholan te chuan tlawhtute mit a tlung hle a ni.