Vawiin khan December ni 20, 2016 hian Election Department buatsaihin ATI, Aizawl ah Postal ballot chungchangah training Mr F.J. Liantluanga, Joint Chief Electoral Officer, Chief Electoral Officer charge la mek tu in a hawng.State Level Master Trainers Pu Malsawmzuala, ACEO, Pu H. Vanlalruatfeli, Programmer, Pu Robert C. Lalhmangaiha, Dy. Director (Transport) leh Pu Lalhmansanga, Dy Director (Tourism) ten training ah hian inthlan dan kalhmang an zirtir a ni.

Postal ballot hi manual-a buatsaih a ni thin a. Sipai te hi India ram hmun hrang hranga awmdarh an nih avangin inthlannaah an vote thlak hi a thi fo thin a, chuvang chuan service voter te vote tla percent a hniam hle thin, Sipai hoten vote nei tura an in thunluh that theihna tur leh vote an thlak that theihna turin Election Commission of India in Electronically Transmitted Postal Ballot System leh Online Registration System a siam thar a, Hemi chungchang hi he training ah hian zirtir an ni.Mizoram ah chuan inthlan a la hlat deuh avangin hman tulna ala awm hran lo a. Nakum lawka inthlang turte tan chuan hei hi tangkai hle tura ngaih a ni. He Online Registration System erawh hi chu Mizoram a sipai hnamdang awm mekte tan hman tangkai nghal theih thuai tura beisei a ni.

District tin atangin Officers pakhat leh Data Entry Operator te, Mizoram chhunga Armed Forces leh Central Para Military Forces aiawhte training ah hian zirtir an ni.