4478/2025-2026

Lawngtlai, 14th February 2026: Vawiin khan Lawngtlai Bawrhsap Pu Donny Lalruatsanga chuan Paithar khua tlawhin, Paithar tlang zirchianna a nei a. Pu PC Lalchunglura, Superintendent of Police leh MJA- ten an  tawiawm a ni. 

Pu Donny Lalruatsanga chuan khawtlang hruaitute kawmin, Paithar tlang tihhmasawn dan kawng a sawipui a. A bik takin khawtlang hruaitute thlir dan leh ngaihdan a pawimawh hle tih sawiin, Bawrhsap chuan DPR - siamte a la ngai dawn a, inrawntlan zel a pawimawh hle a ni, a ti.Tha taka Paithar tlang cheibawl a nih chuan  khualzinte (Tourists) a hîp nasa dawn hle a, theihtawp chhuah zel a tul a ni, a ti. Paithar tlang venghim kawngah khaw mite an pawimawh hle tiin, thahnem ngai taka enkawl chhunzawm zel turin a chah nghal bawk.