4477/2025-2026

Dated Aizawl, the 14^th February, 2026 : Vawiin khan Labour Employment Skill Development & Entrepreneurship (LESDE) Department buatsaih LESDE Kut 2026 chu a kharna hun Aizawl Lammualah hman a ni a. He hunah hian Pu Lalnghinglova Hmar, Minister, LESDE Department chu khuallian niin, Dr. Lalhriatzuali Ralte, Secretary, LESDE chuan hun a kaihruai a. MLA Er. Ginzalala leh MLA Pi Baryl Vanneihsangi te pawh he Kut kharna inkhawmah hian an tel a ni. 

Minister Pu Lalnghinglova Hmar chuan LESDE Kut chu kuthnathawkte, thiamthil neite leh hna zawng mekte puala buatsaih a nih thu sawiin, LESDE Department inhmelhriattirna leh sawrkar hnuaia hamthatna hrang hrang an dawn theihte pholanna hun a nih thu a sawi a. LESDE Department chu department lian ni lo mahse Central Ministry 5 – Labour Ministry, Skill Development & Entrepreneurship Ministry, Ministry of External Affairs leh Ministry of Corporate Affairs nen indawrin an thawhho thu a tarlang a. Mizoram pawh entrepreneurship leh thiamthil zir kawngah hma kan sawn viau rualin, thil tha zawk leh danglam zawk ngaihtuah chhuaka siam chhuah tum zel turin kalkhawmte a fuih a. LESDE Kut a hlawhtlin theih nana thawktute leh a hluttu mipuite hnenah lawmthu a sawi bawk a ni. 

 Pi Lalhriatzuali Ralte chuan kalkhawmte lawmna thu sawiin, taimakna leh tumruhna chu hlawhtlinna tura thil pawimawh ber an nih thu a sawi a. Sawrkar chuan India ram mai nilo ram pawn thlenga thalaite hna thawh theihna tur kawng a dap char char thu tarlangin, thalaite chu sawrkarin an hna zawnna leh thiamthil an zir theihna tura hma a lakna hrang hrangte ngaihvena hmang tangkai turin a chah a ni.

 Pu John Tanpuia, Director, LESDE hnen atangin Kut report ngaihthlak a ni a. Lesde Kut hi February ni 10-a tan niin, a hawnna-ah Khuallian Governor Dr. Vijay Kumar Singh chuan Mizoram Building and Other Construction Workers Welfare Board (MBOCWWB) hnuaia scheme pahnih Eizawma Kailawn leh Rahbi Chertu chu a hawng a.

 Kut ni hnihna-ah State Level Vendor Development Programme, Public Sector Unit 5 —Power Grid Corporation of India Limited, National SC/ST Hub Guwahati, Department of Food Technology Mizoram University, Mizoram Rural Bank (MRB), Food Corporation of India-te hnen atangin seminar neih a ni a. Pradhan Mantri National Apprenticeship Promotion Scheme (PM NAPS) pawh neih niin establishment 20 vel leh apprentice 100 chuang vel zet an in ziak lut a ni.

Kut ni thum ni atang khan intihlimna hun hman tan a ni a, Skill Development lam atanga designer palite (Valkia, Mahlui, Teremi leh Tluangpuii Hmar) kutchhuak mawi tak takte Mizoram-a model-ten pochhuah sakin, live concert-te neih a ni.

LESDE Kut-ah hian stall 162 hawn niin, heng zingah hian Mizoram pawn atangin stall 11 hawn a ni a. February ni 13 thlenga chhinchhiah danah chuan Kutah hian kuthnathawkte leh hna zawng mek mi 234 sawrkar scheme hrang hrang hnuaiah an inziaklut a, mi 28-in hna an hmu a, Health Check-up mi 1000 chuangin a thlawnin an ti a. Stall hrang hrangte inhralh zat chu nuai 35 vel bawr a ni. 

Vawiin Kut kharna hunah hian district tina skill development leh entrepreneurship lama mi hlawhtling thlanchhuahte hnenah District Skill & Entrepreneurship Award 2025–2026 pek an ni a. District tin atanga Award dawngte chu hengte hi an ni:

Regional Skill Competition, Guwahati-a January 19-22, 2026 chhunga neih zawh taka Mizoram atanga medal la mi 21-te hnenah chawimawina pek a ni a.

Gold Medalists:

Lalremsiama – Electronics

Lalbuatsaihi – Fashion Technology

Lawmnakima – Floristry

Divya Kumari – Hairdressing

Vanlallawmi – Hotel Reception

Lalruatsanga – Painting and Decorating

K. Vanlalremsanga – Restaurant Service

Fayek Siddiquey – Retail Sales

Lalhriathlui – Visual Merchandising

Silver Medalists:

J. Lalrinmaki – Floristry

F. Lalramliana – Mobile Application Development

Lalrindika Renthlei – Software Application Development

Bronze Medalists:

Elmada Syhlo – Restaurant Service

Lalhriatkima Hauhnar – Software Application Development

Lalruatfela – Bakery

Medallion for excellence:

Laldawngliani – Beauty Therapy

Lalremruati Ralte – Cooking

Abraham Vanlalhriata – Graphic Design Technology

Vanlalpeki – Hairdressing

Mahfuja Parven – Painting and Decorating

Lalmuansanga – Electronics

Heng bakah hian, LESDE KUT chhunga category hrang hranga titha zualte hnenah lawman hlan a ni – 

Innovative Vision Award - Lalbiakdika

Cultural Insight Award – H. Saidingpuii

People’s Choice Award (Cosplay) - Lalengmawii

Youngest Cosplay – Logan Zorinmuana Ralte (4 years)

Best Vlogger – Lalruatkima Colney