3783/2024-2025

Dated Saitual, the 14th January 2025: Vawiin khan Saitual DC Complex a Multipurpose Building, nuai 75 senga sak tur chu Saitual Bawrhsap Dr Lalngura Tlau chuan a hmunah a enfiah.

Dr. Lalngura Tlau chuan social welfare department hmalakna hnuaiah hetianga Multipurpose Building sak a ni tur chu lawmawm a tih thu sawiin district-ah chuan a nei awm chhun tur an nih hial a rin thu a sawi bawk. Hemi sak nan a ngaihtuahna sengtu Social Welfare Minister, Secretary & Commisioner, Director leh Social Welfare Engineer te chungah lawmthu a sawi bawk a ni.

He Hall sak tur hi a dung 60ft leh avang 36ft a zauva sak tur niin vawiin khan hna hi tan nghal a ni. He building hi training hall atante, inthlan kaihhnawih thil hrang hrang leh CAPF te awmna tur atante, kawng hrang hranga DC Office pui tur atante a ruahman tel a ni bawk a ni.