3782/2024-2025
Dated the 14th January, 2025: Aizawl DC Er. Lalhriatpuia, IAS chuan a hnuaia mi ang hian hriattirna a chhuah.
"Chief Minister's Bana Kaih District Innovative Challenge" hnuaiah hmasawnna thlen thei project siam intihsiakna buatsaih a ni dawn a. Heng a hnuaia mite tan hian dil theih a ni ang.
1. Primary Agricultural Cooperative Society.
2. Self Help Groups.
3. Civil Societies (YMA, MHIP, MUP, etc.).
Project thehluh tum tana hriattur pawimawh te:
1. Concept note ah budget estimate kimchang tak a awm ngei tur a ni.
2. Project chu mi tam ber tana hman theih tur, khawtlang tana tangkai a ni tur a ni.
3. Project peng neuh neuh nei aiin project lian tham leh hlawm khat ngaih pawimawh a ni ang.
4. Leilung tichhe lo, amah intungnung thei leh khuarei dawl project ngaih pawimawh a ni ang.
5. Project atana ram mamawh anih chuan ram fel sa a ni tur ani a. Sorkarin project atana ram lei chawp ngai chu pawm theih a ni lo.
6. Project thlante hi Planning and Programme Implementation Department te "shelf of project" ah dah a ni ang.
7. Project thehlutte hian Aizawl District Innovation Challenge Committee hmaah presentation an pe ang.
District a project tha pathumte lawman chu hetiang hi a ni ang
1st Rank Rs. 2,00,000/-(Rupees two lakhs only)
2nd Rank Rs. 1,00,000/-(Rupees one lakh only)
3rd Rank Rs. 50,000/- (Rupees fifty thousand only)
Project submit na hmun:
AMC area DC's Office, Aizawl
Rural area - Mahni bialtu B.D.O Office-ah
Project submit theih hun tawp : 1st February, 2025
