2407/2023-2024

Dated Saitual the 20th October 2023: Vawiin a weekly Press briefing ah hian Dr Lalngura Tlau District Election Officer, Saitual chuan Saitual District in a Mizoram MLA inthlanpui an hmachhawn na tur a an inpuahchahna te chanchinbumi te hmaah a sawi lang a, mipuite hnena press mi te ina an puanzar ngai te hrilhhriatna a nei bawk a ni.

Dr Lalngura tlau chuan saitual a AC pathum; 8-chalfilh, 9-Tawi leh 21-Lengteng ah te nomination file tawh 11 an awm thu a tarlang a. General observer pahnih, expenditure observer leh Police observer te pawh Saitual ah an thleng kim tawh a ni, a ti. Income tax team an awm bawk a, Capf pawh company lo thleng tawh leh thlen belh zel tur an awm a ni, a ti. First Randomisation neih a ni tawh a , postal ballot dilna pawh semchhuah mek zel a ni a ti bawk.

Saitual District Election Officer, Tawi RO ni bawk chuan Polling parties te training ni a attendance lak chhung rei lutuk thin tih ziaawm nan QR code hmangin attendance lak a nih thu sawiin, chu chuan thiltih a ti awlsam in Mizoram ah pawh a ti hmasa ber pawl annih a rin thu a sawi.

He hunah hian press mi te zawhna leh chhanna hun neih nghal niin, DEO chuan inthlan felfai leh ralmuang tak neih chu an tum ber a ni, a ti a, chumi atan chuan theihtawp an chhuah thu a sawi bawk.

Vawiin a weekly press briefing saitual a neih ahhian District Election Officer, thuthar la khawmtute, Election officer Pi Laldinfeli leh DIPRO te an tel a ni.