AH & Vety department-in thuchhuah an siamah PRSS virus in vawk leh sanghal chi ah chauh natna a thlen a, chuvangin mihring leh ran dang tan a virus a hi a hlauhawm lo tih an tarlang a. Amaherawhchu vawkin PRSS a vei hian an taksa a natna do theihna (immune system) a tlak hniam avangin bacteria vangin natna dangin a belhchhah thei a, chuvangin vawk thi emaw a sa emaw khawihtute tan natna a thlen thei tih an tarlang.

Chuvangin vawk damlo reng reng chu mihringte ei ah talh reng reng loh tur. Vawk thi sa emaw a damlo sa pawh ran dang tan ei tura pek loh tur a ni a, hal ral anih loh pawhin tha taka phum thin tur a ni. Vawk damlo puahna thli leh hnuhma tihfai that loh avangin vawk dam laiin hri an vei phah theih avangin PRSS hri vei reng reng chu ei tura talh miah loh tur a ni tih an tarlang.