71/2022-2023
Khawzawl, the 7th April, 2022: Khawzawl District thenawm District leh Mizoram hmun hrang hrangah Vawk natna hri hlauhawm tak African Swine Fever (ASF) a len leh mek avangin he hri hlauhawm tak laka Khawzawl District a fihlim theih nan te, a len nawn tawh loh nan leh vawk vulhtu ten harsatna nasa tak an tawh nawn tawh loh nan Pu C.C. Lalchhuangkima, District Magistrate, Khawzawl District chuan Sec 144 CrPC, 1073 (2 of 1974) in thuneihna a pek angin a hnuaia thupek hi Khawzawl District mipuite zawm turin a chhuah:
1. Khawzawl District chhungah District pawn khawi hmun atang mahin vawk, vawk note, vawksa rep leh vawksa atanga thilsiam reng reng lakluh phal a ni lo.
2. Khawzawl District chhung bikah khaw pakhat atanga khaw danga vawk lalut turte chuan A.H&Vety Department hnathawk (Veterinary Officer, VFA, CAHW etc.) atangin phalna an la hmasa tur a ni.
3. ASF rinhlelh vawk damlo/thi a awm chuan rang taka report tur a ni.
4. Vawk thi a awm chuan tha takin (6ft a thukah) chinai nen phum tur a ni.
He thupek zawm lote chu thubuai siam sak an ni ang a, IPC Sec. 188 hmangin hrem theih an ni ang.
He thupek hian tihchhuah a nih April ni 5, 2022 atanga thla 2 (hnih) chhung a huam ang.
