Tunlai hian Vawk natna (Porcine Reproductive and Respiratory Syndome) Lunglei Dist chhungah a leng mek a, Vawk engemawzat an thi tawh a ni. Chuvangin heng hri leng laka Lunglei Dist mipuite kan him theih nan, Joseph.H.Lalramsanga Dist Magistrate Lunglei chuan May ni 10.2016 khan Section 144 of Cr.PC 1973 in thuneihna a pek angin hetiang hian khapna thupek a chhuah.
Vawk thi reng reng tha taka phum vek tur a ni. Vawk thi reng reng khamah emaw Kawrah emaw paih mai mai loh tur. Lunglei Dist chhungah khawi atang pawhin Vawk lakluh phal a ni lo. Lunglei Dist chhung atangin Vawk lakchhuah phal a nilo. Vawk talhtu ten Vawk hrisel tha chauh talh ni rawh se.Vawk neitu ten Vawk damlo hralh loh tur.
He thupek hian thu leh awm hma chu puan anih atanga thla hnih chhung a huam ang.He thupek zawm lo chu section 188 of IPC hmanga hrem an ni ang.
