3199/2024-2025
Siaha the 26th November 2024: Siaha District Addl Magistrate Pu Abraham Beirazi Khithie chuan vawk natna hri African Swine Fever avanga mipuiten harsatna kan tawh loh nan Vawk lakluh leh Vawksa atanga eitur siam chi hrang hrangte khuahkhirhna a hnuaia tarlan ang hian thupek a chhuah.
ORDER
District AH & Vety. Officer, Siaha District, Siaha hnen atanga ngenna kan hmuh angin tun hnaiah Vawk natna hri hlauhawm tak African Swine Fever (ASF) leng mek in ziaawm lam a la pan hlei thei lova. He mi avanga mipuiten harsatna kan tawh loh nan Vawk lakluh leh Vawksa atanga eitur siam chi hrang hrangte khuahkhirhna dan leh thupek chhuah chhunzawm a tul a. Chuvangin, kei, ABRAHAM BEIRAZI KHITHIE; ADDL. DISTRICT MAGISTRATE, SIAHA DISTRICT, hian Section 163 of Bharatiya Nagarik Suraksha Sanhita, 2023-in thunehna min pek angin, hetiang hian thupek ka chhuah e.
1. Siaha District chhungah, State pawn leh Ram dang i.e Myanmar, Bangladesh, Tripura, Manipur, Assam leh Meghalaya atangin Vawk, Vawksa, Vawksa rep leh Vawksa atanga eitur siam chi reng reng lakluh khap tlat a ni.
2. Mizoram chhung District dang affected area-a puan khua atangin Vawk, Vawksa, Vawksa rep leh Vawksa atanga eitur siam chi reng reng lakluh khap
3. Mizoram chhunga African Swine Fever (ASF) infected area-a puan ni lo atanga Siaha District chhunga Vawk, Vawksa, Vawksa rep leh Vawksa atanga eitur siam chi reng reng lalut/hralh chhuak tur ten Veterinary Officer hnen atangin Soundness Certificate emaw Village Council Court hriatpuina an nei tur a ni.
4. Vawk talhtu ten Vawk hrisel tha chauh an talh tur a ni. An talh hunah Veterinary Officer atangin Soundness Certificate an nei ngei ngei tur a ni.
Hemi dan bawhchhetute chu Section 223 of Bharatiya Nyaya Sanhita, 2023 hmanga na taka hrem an ni ang.
He thupek hian chhuah a nih atanga thla hnih (2) chhung a huam ang.
He thupek hi nemnghetin vawin ni 19th November, 2024 hian hming ka ziah hnan e.
