No.3399/2021-2022
Aizawl, 14th December, 2021: Tunlaia vawk natna hri hlauhawm tak African Swine Fever (ASF) leng mekin ziaawm lam a la pan theih loh avangin he hri laka Champhai District a him theihna turin Pi Maria C.T Zuali, District Magistrate, Champhai District chuan Sec. 144 CrPC, 1973 (Act II of 1973) in thuneihna a pek tlawhchhanin hetiang hian khapna thupek a chhuah.
1) Champhai District chhungah Myanmar atang leh State dang atanga vawk, vawksa leh vawksa atanga siam reng reng lakluh phal a ni lo.
2) Vawk thi a awm reng rengin paih mai lovin thuk tak (6ft.) a phum zel tur a ni.
3) Vawk thi rinhlelhawm a awmin mahni bialtu Doctor/VFA/CAHW te hnenah report zel tur a ni.
4) Vawk damlo hralh emaw, talh khap tlat a ni.
He thupek zawm lo tu chu IPC Sec. 188 hmanga hrem theih an ni a. Thupek hian chhuah a nih atanga thla hnih (2) chhung a huam ang.
