No.3877/2020-2021
A.H. & Veterinary Department chuan hetiang hian Vawk, Vawksa leh Vawksa atanga siam chhuah reng reng, Pork Sausage, frozen pork meat, Vawksarep, etc te hi ram dang leh State dang atanga lakluh khapna a tichhuak:-
Tunlai hian Mizoram thenawm State, Assam leh Arunachal Pradesh-ah vawk natna hrik hlauhawm tak African Swine Fever (ASF) a leng mek a. He hri avang hian vawk singhnih (20,000) chuang lai an thi tawh tih hriat a ni. Kan thenawm ram Myanmar-ah pawh he hri avang hian vawk thahnem tak an thi mek bawk. He vawk natna hrik hlauhawm tak hi a vei za a za hial thihpui theih a ni a. He hri hi kan ramah a lo lut a nih chuan kan vawk vulh zawng zawng leh ram hnuaia sanghal ram tlate thlengin an mang thei vek dawn a ni.
He natna hi inkaichhawn awl tak a nih avangin, Department pakhat chauh tan do hneh theih mai niin a lang lova, Department hrang hrang leh mipui leh tlawmngai pawl te nena thawhhona tha tak kan neih a ngai tak zet a ni.
Chuvangin, African Swine Fever (ASF) laka kan State a fihlim theih nan leh he hri hlauhawm tak hi Mizorama a lo len loh nan, Vawk, Vawksa leh Vawksa atanga siam chhuah reng reng, Pork Sausage, frozen pork meat, Vawksarep, etc te hi ram dang leh State dang atanga lakluh hi phalloh tawp (complete ban) a ni.
