No.3878/2020-2021  

Siaha; August ni 6: Vawiin chawhnu dar 2:00pm khan Circuit Hall-ah  Siaha DC kalchhuak ta Pu Bhupesh Chaudhary IAS thlahna hun hman a ni. Vawiin DC thlahna programme hi Joint NGOs(MTP, MCHP leh MSO) leh DC office staff ten an buatsaih a ni.

Vawiin DC thlahna programme hi Pu PP. Zalena, President MTP(H) president in a kaihruaia, Pu H. Vabeitha, Sr. Adviser in hunserh a hmang a, Pu Zephatha, General Secretary, MSO(H) in welcome Speech sawiin, Pi P. Chaki, president, MCHP(H) leh Pu C. Beikhochhi, President, MSO(H) ten thu sawina hun an hmang. 

Pu Bhupesh chuan amah puala Farewell programme  ropui tak Joint NGOs leh a staff ten an buatsaih chu  a lawm tak zet a ni, a ti.Siaha-a ka awm chhunga  Maraland mipui ,NGOs leh Kohhran  ten min duhsakna leh hmangaihna hi ka theihnghilh ngai tawh lovang tiin; hnuk-ulh tuau in  lawmthu a sawi a ni.

Vawiinah programme-ah hian thusawi kar lakah zaithiam ten mipui kalkhawm an awi reng a, MTP Cultural troupe ten Cultural Item mawi tak an entir bawk a ni.

Pu Pakhaw Chozah,GS MTP(H) in Farewell Speech  a sawi zawhah,Rev.Dr Laiu Fachhai,Principal Maraland Theological College in malsawm tawngtaiin hun a khar ta a ni.

Vawiinah vek hian DC chuan Siaha district tana BEL(Bharat Eelctronics Limited) hnena an CSR  atanga a thil dil te:-

1) Ambulance---2

2) Kangthelh Motor--1

3) Emergency Response Vehicle(ERV)---1

4) Bookshelf----10

5) Library books----thahnem tak 

hlawhtlinna thu pawh BEL,Manager(HR&A) atangin lehkha a dawng bawk a ni.