3294/2023-2024

Khawzawl, 9th January 2023: Vawiin khan Khawzawl DC Meeting Hall-ah District Prabhari Pu Dheeraj Joshi a hovin thutkhawm neih a ni a. Khawzawl District chhunga Viksit Bharat Sankalp Yatra kalpui tawh dan te leh neih zel dan tur te sawiho a ni.

Meetingah hian Pu Dheeraj Joshi chuan Viksit Bharat Sankalp Yatra chu sawrkar laipuiin mipuite hmasawnna atana ruahmanna (scheme) a neih te a dawngtu ngei ten an dawn theih nan a duan a nih thu a sawi a. Meeting-a kalkhawm Line Department hotute chu VBSY kalpuina kawnga harsatna an neih te, hmachhawp te leh an hlawhtlinna te a sawi pui a; TB Awareness Campaign te , Health Camp neih te, KCC loan te, Har Ghar Jal te, ODF chungchang te, Drone surveillance chungchang te leh thil pawimawh dang te an sawi ho a ni. Prabhari ho hian hmalak zelna tur te leh tihdan tha zawk te thlirho a ni a, Prabhari hian an harsatna te chu Prime Minister Office-ah a lo thlen tur thu a sawi a ni.

Viksit Bharat Sankalp Yatra hi inthlan avangin Mizoram, Chhattisgarh, Madhya Pradesh, Rajasthan leh Telangana ah te India ram state dang te hnuah December ni 12, 2023 atang khan kalpui tan a ni a. State leh UT dang zawngah chuan November ni 11, 2023 atang khan an lo kalpui tawh a ni. January ni 26, 2024 thleng kalpui tur a ni a. Hmalakna te hi online ah sawrkar laipui hriat turin update zel a ni. Khawzawl District bikah hian Viksit Bharat Sankalp Yatra hi January ni 23 thleng neih tur a ruahman a ni.

VBSY puala thuthkhawmna neih ah hian District Prabhari leh DC Pu K. Lalrohlua bakah  Yatra kaihhnawih department hotute an tel a ni.