No.4440/2020-2021

Dated Serchhip, the 26th August, 2020: Pu Kumar Abhishek, IAS, District Election Officer, Serchhip District, Serchhip chuan kan hma lawka Village Council in thlan 2020 lo awm turah Voter ten tha taka vote thlak a nih theih nan a hnuai a mi ang hian hriattirna a chhuah.

Tahrik Ni. 27th August, 2020- a General Election to Village Council lo awm turah kan aiawh tur thlanga vote thlak hi mitin chanvo a ni. Chu chanvo chu Democracy-ah chuan chanvo pawimawh tak a nih avangin mi tinin vote an thlak theuh theih nan Serchhip District Administration chuan Mizo People’s Forum (Serchhip Sub-Hq.), Non-Governmental Organization (NGO) te leh Community Based Organization (CBO) te nen a tanghovin heng a hnuaia ruahmanna te hi Village Level Task Force ten an zawm theuh turin a duang a ni.

Hetiangin :
Vote thlak tura Mizoram chhung hmundang atanga lo haw duhte chu COVID-19 vei emaw rinhlehawm emaw an nih loh chuan vote thlak phal sak tur a ni. Tin, Election buaipuitu ,Polling Official-te khunghran tur an ni lova, an hna tha taka an thawh theih nan a tulna a piangah VLTF-in an lo tawiawmang.

COVID-19 hri vei ni a rinhleh ni lem lote khunghran tumna awm palh thei a nih avangin a tul loah mi harsatna siam chiam theih a ni. RTPCR/ Rapid Antigen Test (RAT) hmanga endik leh finfiah an nih loh phei chuan tul loa in khung a awm thei hial a ni. Hetiang hi a thlen lohna tur in VLTF zawng zawngte COVID-19 hri kan dona kawngah fimkhur taka hma lak theuh tur a ni.

The Mizoram (Containment & Prevention of COVID-19) Ordinance, 2020-in lei chawi (fine) theihna a sawi leh chawitir theitu ni a a sawi nilo chuan COVID-19 kaihhnawih thilah danin a sawi ang a nih loh chuan tumah lei chawitir loh tur a ni.

Mizoram Sorkarin Mizoram pawn atanga lo kal te chu enkawl dan mumal tak neiin a khung hrang vek a, COVID-19 hrivei an awm a hriat pawhin a enkawlna bik hmunah mumal takin Doctor-ten an enkawl mek a, mipui mimir zingah an awm lo a ni. Heng bak hi rinhlelhawm an awm a nih chuan incident Commander hnenah thlen hmasak tur a ni.

VLTF ten mahni veng leh khua a him theih nana hna an thawh hi a fakawm a. Chutih rual in fimkhur thu-hla a mahni veng leh khaw bil huapa lockdown lo puan hian khawtlang inrelbawlna leh mihring khawsak phung mai bakah District Administration thlengin a nghawng a, a tawpah khawsak harsa zawk ten harsatna lian zawk an tawk thin a ni. Heng zawng zawng avang hian mahni veng leh khawbil tan lockdown hi puan loh tur a ni.

COVID-19 hrileng avanga lockdown puan a ngai a nih chuan District Magistrate hnenah thlen hmasak tur a ni. District Administration leh Medical lama mi thiamte nena inrawn tlan a nih hnuah, a tul thlu ngang a nih chuan ‘ The Mizoram Epidemic Diseases (Covid-19) Regulations, 2020’ hnuaia Regulation 11(1)-in thuneihna a pek angin District Magistrate-in Containment Area-ah a puang ang. District Magistrate thutlukna chu thu tawp a ni ang.