3162/2024-2025

Champhai, 23rd November 2024: Village Council Inthlan puala Roll ennawnna (Special Summary Revision) neih tur a inpuahchahna kal zelah vawiin khan Village Level Officers (VLO) te pualin I&PR Auditorium, CHANEM-ah training buatsaih a ni.

VLO Training hi Champhai SDO(Sadar), Election Officer ni bawk Pu Ngulzaṭhuama chuan a kaihruai a. Kalkhawmte inlawmna thu sawiin, Special Summary Revision neih turah hian January ni 1, 2025-a kum 18 tling chin, January ni 1, 2007 hmalama piang chin te tan inziahluh theih a ni tih a tarlang a. Roll a inziaklut thar tur te chu an inziahluhna tur khua/ vengah thla ruk (ni 180) tal an cheng tur a ni tih a tarlang bawk.

He hunah hian Dr. Vanlalnunpuii Ralte, Asst Electoral Registration Officer, District Level Master Trainer ni bawk chuan VLO te mawhphurhna hrang hrang a sawifiah a. VC Inthlan chu kumthar maiah neih tur a nih tawh avangin, roll ennawnna kalpuiah fimkhur a ngai hle a ni, a ti a. VLO te chu document leh form hrang hrang uluk taka ziak lut turin a chah bawk a ni.

Pi Kawlhmingliani, DEO, Election Branch, DC Office chuan Roll Revision kaihhnawih form pawimawh hrang hrang te ziah luh dan a sawifiah a. Vawiin training-ah hian VLO 66 an tel thei a ni.