91/2023-2024

Siaha; the 13th April,2023: Vawiin chawhma dar 11:30Am khan DC Conference Room-ah District bawrhsap leh District Election Officer ni bawk Pu Lalhmunsanga Hnamte chuan kan hma lawk(18/4/2023) lawka Village Council inthlanna kan hmachhawn tur chungchangah Siaha MJA te a kawm.

DC hi Pu VL Lura Hauzel, SP, Pi Lalnunmawii Addl.DC leh Pu N.Vabeiratlua DIPRO ten an tawiawm a ni.

Vawiin a Press Meet koh chhan sawiin, Pu Sangtea chuan kan hmalawka VC Election kan neih turah khian, inthlanna felfai leh muanawm tak kan neih theih nan MJA Siaha te, tum danga in lo tihtawh thin angin, district administration hi min thawhpui leh turin ka sawm duh che u a ni, a ti.Pu Sangte chuan Model Code of Conduct mipui hnena puanzarh kawngah te,vote thlak pawimawh zia te leh mipui hnena puanzarh ngai Election kaihhnawih thil tul hrang hrang puanzarh kawngah MJA te hi kan inngahna in ni a, kan mit leh beng min tan saka, a tulna piangah thurawn te pawh min pe thin turin ka sawm duh bawk che u a ni, a ti bawk.

Pu Sangtea kan lawka VC Election neih tur chungchangah report tawi fel takin a hnuai a mi ang hian a pe:-

1) VC awmzat---99

2) Seat awm zat--591( General-393, Reserved--99 & Nominated--99)

3) Candidate awmzat:1250( General--1011,Reserved--239)

4) Voters awmzat:43120(Mipa-20794,Hmeichhia--22326)

5) Party in candidate neih dan:

(a) BJP--454
(b)INC---261
(c)MNF--402
(d)ZPM---84
(e)IND---49

6) Voter tamna ber VC-----23/New Siaha West-I (1184 voters)

7) Voter tlemna ber VC---99/Supha(68 voters)

8) Voters 1000 aia fam awmna VC 2 a awm:---23/New Siaha West -I(1184) leh 32/College Vaih-I(1065)

9) Voters 100 aia tlem awmna VC 3 a awm:--

(a)99/Supha(68 voters)
(b)5/Riasika(96 voters)
(c)83/Miepu(99 voters)

10) Polling official te hi tahrik ni 16 leh 17/4/2023 ah an duty na hmun an pan ang.Siaha atang khaw hla zual 22 a duty tur te hi ni 16/4/2023 ah an chhuak ang a, a bak zawng ni 17 April,2023 ah an chhuak thung ang.

11) Nomination paper withdrawn 8 awmin, rejected 1 a awm bawk.
12) Candidate tamna ber VC: 7/Meisatla-I, 25 an awm
13) Candidate tlemna ber VC: 5/Riasika leh76/Ahmypi, 5 ve ve an awm

Pu VL Lura Hauzel SP pawhin Security lama an inpuahchah dan report pein, voters 800 aia tam awmna VC 9-ah duty an indah tur thu te, a tulna pianga rang taka tlan kual zung zung tur Quick Reaction Team (QRT) 5 din niin, Tipa,Phura,Lobo  leh Siaha(2 teams) ah dah an nih tur thu a tarlang bawk.Election duty turin naktukah Thingkah 3rd IR Bn atangin security personnel 26 an lo kal tur thu tarlang bawk.Pu Lura chuan boruak muanawm tak hnuaia VC inthlanna  kan nei theih nan, kan district chhunga lirthei lo lut te pawh Kaochao,Lobô, Noaotlah,Tipi Ferry-ah te surprise check kan nei thut thut tawh dawn a.Zin mi te pawhin dawhthei taka min lo thawhpui hram hram turin kan in ngen lawk bawk a ni, a ti.