90/2023-2024

Dated Aizawl the 13th April 2023: Vawiin khan Agriculture Minister Pu C.Lalrinsanga’n “National Webinar on Awareness and Use of Information and Communication Technology among the Farmers of Mizoram”, Aijal Club, Aizawl a neih chu a hmanpui.

He inkhawm ah hian khuallian Minister Pu C.Lalrinsanga chuan thu sawiin ICT kaltlanga loneitute chawikanna programme a a tel chu lawmawm a tih thu a sawi a. ICT hmanraw chi hrang hrang chu Mizorama loneituten an hmang chho zel ani, a ti a. Hei hi loneitu tam takin an hmang tangkai tan hle a, lo neihdan kalphung pawh zawi zawi in a siam tha chho zel a ni, a ti.

Khuallian chuan ICT Technology kan neihsa te chu tih changtlun chhoh a, loneitu tam zawk te thleng phak a hmalak a ngaih thu a sawi a. Mizo tawng chu ICT hmanraw hrang hrang ah telh chhoh zel nise, loneitu ten an tangkaipui zawk zia tur thu a sawi . Mizoram in KVK kan mamawh belh thu pawh sawiin Visit Agriculture Mission hnuaia hmalakna kalchho turah pawh ICT chuan hmun pawimawh tak a luah a beisei thu a sawi bawk.

He programme ah hian Pu Subash Chander, Director, ICAR, NCIPM, New Delhi chuan thusawiin loneituten chemical fertilisers leh pesticides a chuangliama an hman thin chuan nghawng thalo tak a nei a ti a, biofertilisers leh biopesticides hmang tam tur a hmalak a pawimawh a hemi atan hian ICT chu a tangkai hle dawn a ni, a ti.

Dr. Meenakshi Malik, scientist,ICAR-NCIPM, New Delhi pawhin loneitute hnena ICT hman tangkai dan zirtir chu a pawimawh hle a ni, a ti a. Loneitu tamzawk te huapzo anih theih na tura theih ang anga hma lak a ngai a ni, a ti.

He webinar hi Agriculture Department  Mizoram, Krishi Vigyan Kendra, Siaha, KVK Lawngtlai leh ICAR-NCIPM, New Delhi tangkawpa buatsaih a ni a. Inkhawm hi  Pu Vanlalthlamuana, Jt.Director Agriculture chuan kaihruaiin, Agriculture a ICT hman tangkai dan tur zirhona neih a ni a, ICAR - NCIPM atanga mithiam te leh Agriculture Department Mizoram leh KVK Lawngtlai leh Siaha a thawktuten hun hi an hmang a ni.