Mizoram State hnuaia Village Councils Inthlanpui vawi 2-na leh Local Councils Inthlanpui vawi 2-na chu 30th April, 2015 zing dar 7:00 AM atanga tlai dar 5:00 PM hian neih a ni dawn a. Inthlan felfai taka kalpui a nih theih nan State Election Commission chuan Representation of the People Act, 1951 section 126-na leh Model Code of Conduct Para II (f) tlawhchhan in inthlan campaign theih hun chhung chu 28th April, 2015 tlai dar 5:00 PM thleng a nih thu a tarlang a. He dan tlawh chhan tho hian a hnuaia tarlan te hi vote zawn nan hman a khap/phal lo bawk a ni:

1. Inthlan kaihhnawih thila vantlang inkhawm leh kawngzawh buatsaih, kawngzawh leh vantlang inkhawma tel leh thusawi;

2. Mipui hnena inthlan kaihhnawih thil Cinema, TV leh hetiang lam hmanraw hmanga tihchhuah/entir;

3. Inthlan kaihhnawih thu theh darh nana Musical Concert leh mipui vantlang hip khawm thei tur intihhlimna lampang chi reng reng buatsaih;

4. Opinion poll/exit poll tih chhuah emaw puanzar;

5. SMS hmanga campaign.

Heng bakah hian campaign hun chhung a tawp veleh candidate te tana campaigner-te, election agent-te huam lovin, an campaign-na huam chhunga vote nei lo te chuan an campaign-na hmun an chhuahsan vek tur a ni.